مجالس الفرده - جرحي من أسباب الغضي ياصاحبي ماهو سليم

لشاعر محمد السخيني

يامحمد الخالد نويت أطـرق جزيـلات البيـوت

من يوم عقبت الحفـر متوجهـن يـم القصيـم

سبة هموم" بالحشا قامت تشوت القلـب شـوت

جرحي من أسباب الغضي ياصاحبي ماهو سليم

أحاول أنسا ماجرالـي منـه لكـن لـو أمـوت

ماأنسا حبيب" مسكنه خلف الحنايـا مـن قديـم

أغليه وأحبـه كثـر ماعقـاب متعـذب بنـوت

غرو" منه جرحي يابن ماطر من الفرقـا سقيـم

غرو" تجيني صورته بالليـل والعالـم خفـوت

وأسج مع ذكرى عديل الروح يامحمـد وأهيـم

ماهمني به هرجة العاذل ولا وهـرج الشمـوت

يبقى حبيبي يابو تركـي كـل ماهـب النسيـم

إليا صدفني كن سيف الحب بالصـدر مغمـوت

وإليا فقدته كن سيف الغدر في ظهـري مقيـم

وشلون أجيب الجوهره والجوهره في بطن حوت
عسى الولي يهدي عبـاده للسـراط المستقيـم

ياويش أسوي يابو تركي وأنت شيـال التخـوت

""عطني جوابك ياوسيـع العـرف تكفـا يالعليـم

"""""""""""""""""""""""""""""""""""2"""""""""""""""""""""""""""""""""""

لشاعر احمد الناصر

يزول عنك الباس.. ياللي شكيته.. ليـت السلامـه تنشـرى
عن ونتك نفداك ..بالحال والمال.. جميـع ماتملـك يـدي..

بين الرجا والياس ..وقتي قضيته ..ماباع حظـي واشتـرى
ماقدر على فرقاك.. والحب غربال.. ابديت جهدي واجهدي..

الهم والهوجاس..كله خذيتـه ..مافـاد فـي شـي جـرى
العام انا وياك.. ياسمح الاقبال ..بالعـز نمشـي ونعـدي..

اللي لقوه الناس.. قبلـي لقيتـه.. جـرح المـوده مابـرى
ترى الشفا باشفاك ..مار الدهر مال..لاشك انا عنك محدي..

ودي بهرجة راس.. مع من هويته.. لكن سرى ليلي سـرى
واحترت وين القاك.. من كثر الازوال.. وسهيل بيًن والجدي..

جدر بليا سـاس ..مهمـا بنيتـه ..مابـه ظـلال ولا ذرى
ياقلب وش عناك.. والحب قتال ..يقطعـك يالحـظ الـردي..

عن سكت الافلاس.. قلبي نهيتـه.. يـدري وكنـه مـادرى
واليوم جاك مناك.. بالوان واشكال ..تخطي وكنك مقتـدي..

اخشى من الوسواس ..قلبي عصيته ..طلعت به طلعه كـرى
سبحان من خلاك.. للروح سلال ..عندك عذابي واسعـدي..

حب بغير قياس.. ليتي وليتـه.. بالخيـر والشـر اخشـرى
إصبر على بلواك.. للعسر حلال ..من يجهل الدرب يغـدي..