مجالس الفرده - على قبر اليتيمه نـوت ..

السلام عليكم ورحمة الله وبركاته

هذي قصيدة أصبحت حديث المنتديات الخليجية
بل وبعض العربية والمجالس الشعبيــه والمجالس
العلميــه وتداولهــا
أهـــل العـلــم والأســـاتـــذه وهي معجـزه من معجـــزات
هـذا الشاعر الكبيــر وهي لامبراطور الشعر
وأستاذه ناصر الفراعنة السبيعي
أبـــو فـــــارس
والقصيدة شدت انتباه كثير من أساتذة علم التاريخ والأدب ووقفـوا أمـامها كبار شعـــار الجزيره العربيه لما فيها من غموض وغوص في اعماق المعاني والتاريخ ببحور لا يعرفها الا أهل العلم وزيادة الكلام فيها نقص لأنها فوق كل كلام وفوق كل اطراء
فوق كل ثناء واجلال .وخلاصتها انه استفسر منه احد اكبر شعار الكويت عن حقيقة نوت التي وردت في بعض قصايده في قصيدة طويله كان فيها يشيد بشاعرية ناصر الفراعنه السبيعي ويمدحه ويمجده وهو الشاعر الكبير :احمـــــد الخيــــــــاط.
يقول ناصر
--------------------

على قبر اليتيمه نـوت ثوبـي بالخـلا شقّيـت.

ذكرت الله وشبّت فـي ضلوعـي حـربٍ أهليّـة

عقب وِتْر السبع والخمس والتسبيح والتسميـت.

طيور الما على سلمـى تغنّـي (طـاق طاقيّـة)

على باقي عرَق ساقي زجاجـة كاهـنٍ شمّيـت.

على قِرْنـة حجاجـه نجمـة السِبْـط اليهوديّـة.

على الجنب التهامي لبّسوني خرقـةٍ فـي زيـت.

تلالى مثل واري جمـرةٍ فـي حـوض صفريّـة.

على ساقة ملوكٍ من بـلاد الرافديـن أضحيـت.

أركّب سـنّ واقلـع سـنّ لـو مالـه ولا ليّـه.

وفي ريشة جناحٍ من حمـام الأخشبيـن ادويـت.

امّذْرِع شان واقـرع شـنّ وآبرقـع نصيريّـة.

وعلى ظهر النعامة سافروا بي سبعةٍ من هيـت.

إلى أعتـى شعـوب الأرض الادنيّـه والاقصيّـة.

ذبحت العبد الادريسي ونِجْل الطاغيـة (حِبْرِيـت).

بأرض المغرب الأقصى طبخت من اللحـم نيّـة.

على تابوت نوت احيا واموت افنيت مـا ابقيـت.

ضربت الطار واجتاحـت عبيـد الـزار كونيّـة.

على قبر اليتيمة نوت أجـدّد حسرتـي لا جيـت.

وأقبّـل ضاحكـات المـوت تحتيّـة وفوقـيّـة.

على شانك يانوت اعميت خطلان البشوت اعميت.

أقـارع كـل ذو سِـدْنٍ وذو خِـدْنٍ وكوفـيّـة.

على شانك ينوت ادميت روس الخاينيـن ادميـت

أسرّج مِـرْج أمـرّج سِـرْج علويّـة وسفليّـة.

على شانك ينوت اضرب بحـدّ مْصقّـلٍ إصليـت.

وكدنـا ننتهـي لـولا خيانـة عيـد الألفـيّـة.

خبيثٍ من بني قومي سقاني حامـض الكبريـت.

قرَت وسطه عجوزٍ مـن ذوي حضـرم ظفاريّـة.

وبسم اللي لهول اسمه تزلزل منبـر السوفيـت.

نحَرها اعلـى ظهرهـا جُبّـةٍ بالسـمّ مطليّـة.

ثلاث دهور اصـارع نافثـات الـزرو ماذلّيـت.

أغيّب شمس وادفن رمْـس والأصنـام مرميّـة.

ثلاث ازمان أداقش مسرجات الجانّ في تكريـت.

ثلاث ازمان تمْرخ لـي ملـوك الجـانّ رجليّـة.

ثلاث سنين اعافـر نافخـات الطيـن ماولّيـت.

ثـلاث سنيـن أكفّـن قاريـات التيـن بيـديّـه.

وثلاث شهور ألاعي نازلات الطـور مـا ملّيـت.

اجاوب جنب خيمـة ضاربـات الطنـب طبليّـة.

وثلاث ايّام تنعاني سرايـا يـام ليـن اصغيـت.

أقـدّم كـوع اوخّـر كـوع يابيّـي ويـا بيّـه.

لذي الفيـروز سـادن معبـد النيـروز مالبّيـت.

لغيـر الواحـد المعبـود مـا أبديـت مـا فيّـه.

بوادي برْك طارت بي حراير تُرْك يـوم امسيـت.

أعاشر ليـل عاشـر كـل ذي حمـراً نميريّـة.

طباين سبْك تدبْك دبّك ساع اقبلت سـاع اقفيـت.

لسرْدٍ شـرْد جـرْد مـرْد اصيّـح كـل قيسيّـة.

ببطن القِرْش اعشّي حايمات العـرش ماغدّيـت.

وحرْش الطرْش اورّدها قليب الهـرش عصريّـة.

بوجه الحوت جلّ اللي خلقنـي ضيغـمٌ صنتيـت.

ماتحـرّك مـنـه سـاكـن ألــف سكنـيّـة.

ورب البيت مـا خلّيـت منهـم بيـت ماهدّيـت.

أهـدّم دور وابـنـي دور والآيــات متلـيّـة.

هل المزمـار عبّـادة لسـان النـار والباكيـت.

بني الإفْرَنْج قـومٌ مـن فـروج الزنْـج مبليّـة.

بكى سابور ذو الأكتاف في قصر الملـك بلْهيـت.

على نَيْكـل سقيفـة عابـد الهيكـل ضحاويّـة.

تغطرس بِطرس النقرس وجينا له على التوقيـت.

من ارض الفرس وارض الروم جبنا القوم منهيّة.

بعمّا والنبا والخمس من سـورة سبـأ شدّيـت.

بقـوّة مـا تواتـر فـي الليـال العشْـر مكيّـة.

أقمنا دولـة الأيتـام مـن حِلّـي إلـى حِلّيـت.

وآخـر عهدنـا مـا أورَدَتْ ليلـى الأخيلـيّـة.

وانا ما هاضني فيما على بيض الـورَق خطّيـت.

شجاعٍ لقّبـوه (أحمـد) ولـه شلفـا وشبريّـة.

أعرف (أحمد) إلى جاء جاء وانا لا شلت ماحطّيت.

تحامينـا علـى وضـح النقـا والأرض محميّـة

[/justify]