|
قصيدة علي القحطاني بالشيخ زايد ابن نهيان رحمه الله شاعر الجزيره العربيه الشاعر الكبير علي بن محمد القحطاني اطال الله بعمره وحفظه من كل شر قال هذه القصيده واللتي كتبها في عام 1996م بمناسبة عودة الشيخ زايد بن سلطان ال نهيان رحمه الله من العمليه التي اجريت له في الولايات المتحده اتمنى ان تنال اعجابكم علاماً بان هذه القصيده احدى القصائد اللي القاها شاعر الجزيره في قناة الاماكن ياخير من يدعى وياخير من يجيـب يامن تفرق ليلهـا عـن شرقهـا يامن عليـك ارزاقنـا والمطاليـب سـرك خفـي والكينـات أخترقهـا سلامتـك يامنبـع العـز والطيـب يامنطـق الـدولـة ويامنطلقـهـا نـورك علينـا لايغـرب ولايغيـب وشمسك علينـا جـدد الله فلقهـا يدعى لك من ظروف الدهر صيـب في كل ديـره يـا مفـرج ضيقهـا يدعي لك الأسلام شرق(ن) وتغريب مارتـل آيـات الكتـاب أونطقهـا شعبك ودارك وان تضارك بترحيـب قلوب نور الحب الأبيـض سلقهـا وأسمى التهاني للشيوخ النواجيـب أخوانـك اللـي ماتفكـك حلقـهـا لاجا نهار فيه ضـرب المشاعيـب لو مطلبك في حرق نفسه حرقهـا دعاه دمـه والحسـب والمناسيـب أخوان في الضيقات تظهـر شفقهـا منابت فاحت بهـا نفحـة الطيـب عروقها الصلبـه وعالـي ورقهـا أصولهـا مادنستهـا العـذاريـب مصيونة مـن يـوم ربـي خلقهـا سفينة التاريـخ عوجـى الدواليـب قمتوا لها يوم أوشكت في غرقهـا كانت عليهـا أقلامنـا والكتاتيـب وتاريخنا يـوم المحيـط اعتنقهـا عادت لشاطيكـم بحكمـه وترتيـب وأستنجدت بك من علـى منزلقهـا وحتى النمر والليث والصقر والذيب كلن صفاتـه منكـم قـد سرقهـا عاشت معاكم في الخلاء والاشاعيب انتوا شنق صحراء وهم في شنقهـا خافت وحوش البر عكش المخاليب منكم وراحـت مـا تسـدد رمقهـا لاجاء من الاعداء خداع(ن) وتكذيب واخفـت نواياهـا وبيـن حمقهـا صلتوا وجلتوا بالسيوف اللواهيـب على جياد(ن) غارقه فـي عرقهـا ملس الظهور الصافيه والجوانيـب اخت البراق اللـي جمالـه زرقهـا تلع الرقـاب الواقفـات المهاديـب مثل السيوف اللي حسين(ن) نسقها المقفيـه والمقبـلـه بالمنـاديـب متحديه لفـح الهـواء لوصفقهـا وسلامتك يامنبـع العـز والطيـب يامنطـق الـدولـه ويامنطلقـهـا م/ن |
رد: قصيدة علي القحطاني بالشيخ زايد ابن نهيان رحمه الله وحتى النمر والليث والصقر والذيب= كلن صفاتـه منكـم قـد سرقهـا عاشت معاكم في الخلاء والاشاعيب= انتوا شنق صحراء وهم في شنقهـا خافت وحوش البر عكش المخاليب= منكم وراحـت مـا تسـدد رمقهـا رحم الله الشيخ وسلم الله ايدينك من النار وحرها وصح لسان الشاعر واشوفك يالصقر ما تجيب الا الجزلات هنيئا لمجالس الفردهـ بتواجدك |
رد: قصيدة علي القحطاني بالشيخ زايد ابن نهيان رحمه الله اقتباس:
شاكر لك ويارب يسعدك شاكر لك مرة اخرى00 |
| الساعة الآن 06:50 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir