مجالس الفرده - أقول لك يا كل ذي علـمٍ تـرى فوقـك عليـم

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - أقول لك يا كل ذي علـمٍ تـرى فوقـك عليـم (http://www.alfredah.net/forum/threads/alfredah18784/)

أقول لك يا كل ذي علـمٍ تـرى فوقـك عليـم

وهو الشاعر الكويتي/ ناصر بن ثويني العجمي
واضع بين يديكم هذا النص الرائع والمفعم بالشاعرية ممزوجه بالرمزية الجميلة
اليوم بدون غزل:p:ranting:

استاسرتني شرهـة العاقـل وتفكيـر الحكيـم................واستفتحت منها المشاعر كل طاقـات القـدر ..

يا شرد الافكار ويش العذر مـن صبـر الحليـم................قدام لا تقفي ركـاب الليـل ويبيـن الفجـر ..

أقول لك يا كل ذي علـمٍ تـرى فوقـك عليـم................لو تدفع رياح التباهي مركبك وسـط البحـر ..

وشلون أصدق من يقول العقل فالجسم السليـم................كم من سليم الجسم ما ينتج وفي عقله فقـر ..

ما يبتسم ثغر المدين إليا طـرق بابـه غريـم................والرايحات اللي مَ فيها غيث ما تنبت زهـر ..

تجمع اسراب الامانـي كـل مـا حـل العتيـم................على غصون نفوس خلق الله وقافيها سهـر ..

والصبح لا جاها نذيره مـع هفاهيـف النسيـم................تفرقت ما كنها البارح على غصون الشجـر ..

يا ليت عبرة نايمين الكهف واصحـاب الرقيـم................تطرق مسامع حضرة الباشا وياخذ له عبـر ..

لو يدري ان وجه الليالي في نظر غيـره ذميـم................كان التمس للدمعة اللي تو ما فاضـت عـذر ..

عقم المبادي ينجب النزعـات والـرأي العقيـم................راحت من أسبابه حقوق الناس في الدنيا هدر ..

اليا متى في مجتمعنـا يـا مواطـن يـا مقيـم................كم مهديٍ مـن بيننـا لكـن ماهـو منتظـر ..

ماجور يا مجروح واللي فيك فوق الجرح ضيـم................فالباب تاقف والطبيب يطل من شرفة قصـر ..

ترى النشيد اللي يردده المطر مـن كـل غيـم................تطرب له الاشجار لو ما يفهمه صم الصخـر ..

دع قافلة الايـام تمضـي فالمسـار المستقيـم................ولا تحملنـي مـلام اقدارنـا لأنـي بـشـر ..

الله يبارك في قـراح الجـم والطلـع الهضيـم................شوفه ملى عين المقل وما دخل بطنـه ثمـر ..