ياعلي مايحتاج دعوه .. وتلزيم = صارت علي مشاركتكم فريضه
لاتعتبرني ضيف يابن الاكاريم= شف وش نقيض الضيف وانا نقيضه
راعي محل .. اطآول براسي الغيم = في وسط بيت ٍ جمر ناره وميضه
وميض براق ٍ رعوده مرازيم= ليله معتم .. وامهاته غليضه
يجذا على جاله دلال ٍ مذاليم= فنجالها يشفي الكبود المريضه
للضيف يركض به عيال ٍ شغاميم= من ركضهم سرحان ياخذ ركيضه
اول مواجيب الرجال المحاشيم= في بيت شيخ ٍ فيه للطيب هيضه
بيت ٍ على كبره ملوه المعازيم= يكتض في جمع ٍ ينومس كضيضه
ماضاقوا اصحابه برحال .. ومقيم= ريف المسير في شتاه ومقيضه
ذكر علي ثليم ياعارف اثليم = اللي ضيوفه كثرهم مايغيضه
مفروش بزلول ٍ حديثة تصاميم = كن الزلول نقوشها نبت فيضه
اللي على كسب المراجل مضاريم = ماقدموا .. مافكروا بتعويضه
حطم به عليان الارقام تحطيم= ماشال هم التكلفات البهيضه
لعيون وضح ٍ كفو عشق المغانيم = علط الرقاب .. ام الخدود العـريضه
لياخطـّمت على اهل العرف تخطيم = تخاسر ارماشه .. ماهي بتغـميضه
يسج معها صاحب الصنف ويهيم = وريض لو ماهو على حد ريضه
تكسب رهان مقيم الزين تقييم= اخيار اساميها تسمى مغيضه
وجيهها لاناحرت لك مطاخيم = امدور العذروب تيبس لحيضه
رثم الخشوم .. مهدلات الخراطيم= تقول نايشها لها شوي غيضه
وظهورهن متفهقات ٍ مراديم= بان ٍ عليها الحال ماهي غضيضه
سنام وحدتهن عليها منه ضيم = كنه على الوضحا السناد النهيضه
مرسام دولـه .. لاتضاح المعاليم= حولـه نزاع الهرج مافيه عيضه
من كثر مالله فاهقه .. تقل ترهيم = متنكس ٍ صوب حجبتها مفيضه
تيّم بها عليان الاسعار تتييم= ورخصة على بياعها رخص بيضه
نقوة مغاتير ٍ علي الملازيم = اثمانها ماهي عليها غميضه
تغار من شوف وبر تها المجاهيم = وتنظر لها نظرة بغيض لبغيضه
طياحها مثل مخيم روضة خريم= اللي بطلعات ابو متعب حضيضه
يالله ياللي في يديك المقاسيم = علام سود اعمال عبدك وبيضه
عسى السحاب لياغداله ترانيم = يهل وبله .. ويتعاقب نفيضه
على وطن شقر الحرار الصواريم = حكام نجد اللي ولاهم فريضه

وجيهـهـا لاناحـرت لـك مطاخيـم=امدور العـذروب تيبـس لحيضـه

مشككككككككور ابو ياراااااااااا

صح لسان الشاعر لافي حمود الغيداني

ويستاهل ابو فواز

ولاهنت على هذا الإختيار

للضيف يركض به عيال ٍ شغاميـم
من ركضهم سرحان ياخذ ركيضـه
صح السان شاعر الوصوف الشاعر لافي حمود الغيداني
ويستاهل. الشيخ عليان الطهيمي كل خير
تقبل شكري على الأنفراد في الشعر الذي يخص قبيلة حرب وتغطيه السريعه والمميزه........... دائماً مبدع في هذا المجال
تقبل شكري وحترامي لشخص المحترم.............