مجالس الفرده - اذوب وانت تذوب واذوب وتذوب

اذوب وانت تذوب واذوب وتذوب

يا زاكي العرقين .. يا أعز منسوب
يا مرجع أنساب الوفا .. والنظافة
أزعلت من شانك حكومات .. وشعوب
ولا لحقني من زعلهم .. حسافة
واللوم إبن عم الحسد .. والحسد ثوب
لا طالت كمومه .. تشقق كتافه
لوّامتي بك .. صاروا .. قروب وقروب
وإن زادوا .. أزيد بهواك .. المسافة
يعني عشاني متعب .. قلوب .. وقلوب
تعلّقي بك .. صار مثل الخرافة
بس أنت غير .. وكل مافيك مرغوب
والهرج .. عقبك بالصبايا .. سخافة
تحشم .. عن الرفلات .. والطفق .. والعوب
مخلوق كامل .. ما يبيلك إضافة
طيب .. وابن ناس .. ومسامح .. وحبّوب
وافي .. طبيعي .. ماتحب الكلافة
أهيف حشا .. مغناج .. رقراق .. غرشوب
مزّاح .. سمح قبال .. ما بك لقافة
ميّاس .. ليّن .. مورد خدود .. رعبوب
ثقل .. وعقل .. وأبعاد فكر .. وشفافة
همسك .. مسافة .. حمرة اشفاتك .. دروب
خلطة عسل دوعن .. بسكركنافة
أما إنعطافة خصرك .. حكاية بصوب
يبغي لها .. شرح .. ودروس بكثافة
ما أكذب لا قلت إنك .. مربرب .. ودبدوب
وما أكذب لا قلت إنك زعيم النحافة
يا دوب .. أقاوم سحر عينيك .. يا دوب
ماني حمل .. خصرك .. لا زاد إنعطافه
اتركـني أذنب .. في عيونك .. ولا أتوب
ذنبِِ .. ولا أحلا منه .. كود أقترافه
ذيك العيون .. اللي بها بيت مصبوب
عين المها .. بين الجسر والرصافه
فيها آتذكر ما ورا معتق الطوب
وقلوبنا بين الأمن .. والمخافة
وصدري ..نزاعات .. وعداوات .. وحروب
وصدرك .. صراع الملك .. بعد الخلافة
والصمت سيّد .. والحكي عبد مغصوب
والدم نازل .. بالعروق بكثافة
والشوق جسم . وروح . طالب .. ومطلوب
واللون .. باين بالوجيه .. إنخطافه
باللحظة هذي .. ينعدل كل مقلوب
وتقرب .. وأنا أقرب .. منحني بالتفافه
وأذووب .. وأنت تذووب .. وأذووب .. وتذووب
واذووب .. وتذووب .. وذوبانك .. آآآآفه
إي والله آآفه .. تثمل العقل .. بإسلوب
يعجز خيال .. أكبر رموز الثقافة
ثمالة .. بنشوة صحاوة .. بماجوب
بعلوم ظفرة .. بإنشراح بظرافة
يا كثر ما منّك .. وما فيك .. والنّوب؟؟
يبوني أستطول .. عليك المسافة