|
الشاعر صالح العنزي يهني منصور الوسوس هذه قصيده للشاعر/ صالح رميضان العنزي ي هني ويبارك للنقيب منصور الوسوس عند ترقيته ويمدح قبيلة حرب اسلام مني يالوجيه المسافير *** تحية الإسلام وصدق العقيده سلام أحلى من حليب المصاغير *** ليا ربعن مابين طلحه وضيده يرعن زماليق الحيا والنواوير *** طلع الخزاما والنفل والهضيده تفاهقن وارخو لهن بالمصارير *** وأم الحوير جت ولدها معيده غبوقت الخطار بيضا مواخير *** سكر لبنها مايبي له زويده عنوز جينا يالنشامى مسايير *** لكم حسب الطلب والوعيده من فوق ما يطوي بعيد المشاوير *** نجي لكم لو المسافة بعيده نبي نبارك للفريدي وتقدير *** بالرتبه اللي تو علق جديده والمرور قصيباء نزف التباشير *** واللي فرح لعل ربي يزيده الله يفكه من صدوف المقادير *** ويكسب ثقة هاك الرجال الرشيده حكام نجد اللي تهل الدنانير *** لاجل المواطن عاش عيشه سعيده أهل العداله والسيوف المشاهير *** أمجادهم يصعب علي تعديده أنا وكتّاب العرب والشواعير *** وأهل القلم ومحررين الجريده في ظلهم نعيش نهضه وتعمير *** وكلٍ يزود بالعموله رصيده نويت أشارك حفلكم عقب تفكير *** وذي فرصةٍ يا أهل الكرم نستفيده يا حرب يا اللي تبذلون المخاسير *** نعمٍ بكم يا طيبين البديده وأنتم هل الطوله على الشر والخير *** رجال الشكاله والفعايل شهيده قبايل ما بين ورد ومصادير *** على المعزه والعزوم الشديده فزتوا بها يوم السلف والمضاهير *** غصبٍ على الزعلان واللي يريده والمعذره كان إن بالقاف تقصير *** نبي السموحه والعلوم المفيده والعلم مايحتاج يالربع تفسير *** شاعر ويبذل بالقوافي جهيده وصلاة ربي عد ما رفرف الطير ***صلوا على المختار مسك القصيده ماغرد القمري بروس العثامير *** وما هل وبل الغيث وأمطر رعيده وسوف اكمل بقية القصائد اللي تخص النقيب منصور باذن الله |
رد: الشاعر صالح العنزي يهني منصور الوسوس ابومحمد يستاهل اكثر من ماقيل فيه من مدح واسمح لي اخوي علي انسق القصيده
سلام مني يالوجيه المسافير=تحية الإسلام وصدق العقيده سلام أحلى من حليب المصاغير=ليا ربعن مابين طلحه وضيده يرعن زماليق الحيا والنواوير=طلع الخزاما والنفل والهضيده تفاهقن وارخو لهن بالمصارير=وأم الحوير جت ولدها معيده غبوقت الخطار بيضا مواخير=سكر لبنها مايبي له زويده عنوز جينا يالنشامى مسايير=لكم حسب الطلب والوعيده من فوق ما يطوي بعيد المشاوير=نجي لكم لو المسافة بعيده نبي نبارك للفريدي وتقدير=بالرتبه اللي تو علق جديده والمرور قصيباء نزف التباشير=واللي فرح لعل ربي يزيده الله يفكه من صدوف المقادير=ويكسب ثقة هاك الرجال الرشيده حكام نجد اللي تهل الدنانير=لاجل المواطن عاش عيشه سعيده أهل العداله والسيوف المشاهير=أمجادهم يصعب علي تعديده أنا وكتّاب العرب والشواعير=وأهل القلم ومحررين الجريده في ظلهم نعيش نهضه وتعمير=وكلٍ يزود بالعموله رصيده نويت أشارك حفلكم عقب تفكير=وذي فرصةٍ يا أهل الكرم نستفيده يا حرب يا اللي تبذلون المخاسير=نعمٍ بكم يا طيبين البديده وأنتم هل الطوله على الشر والخير=رجال الشكاله والفعايل شهيده قبايل ما بين ورد ومصادير=على المعزه والعزوم الشديده فزتوا بها يوم السلف والمضاهير=غصبٍ على الزعلان واللي يريده والمعذره كان إن بالقاف تقصير=نبي السموحه والعلوم المفيده والعلم مايحتاج يالربع تفسير=شاعر ويبذل بالقوافي جهيده وصلاة ربي عد ما رفرف الطير=صلوا على المختار مسك القصيده ماغرد القمري بروس العثامير=وما هل وبل الغيث وأمطر رعيده ورجائي وطلبي من ابومحمد مايطلب حذف القصايد اللي فيها ذكره ومدحه كالعاده من حقنا نسمعها ونطلع عليها وهو يستاهل وارجو الا نطلب حذفها الا ماكان عليه تحفظ من قبله فله الحق بذلك.. |
رد: الشاعر صالح العنزي يهني منصور الوسوس الاخ الفاضل علي الفريدي لك اجمل وارق تحية ولي طلب عندك ان تتصل في ظروري جدا ولك خالص الود اخوك منصور |
رد: الشاعر صالح العنزي يهني منصور الوسوس حتى لو طلب الا في هذي القصائد لن تحذف يحذف جميع القصائد الموجوده بالقسم الا قصائد المدح لانها ليست ملكه وحده بل للفرده وهذا من طيبه وهو سفيرنا بالطيب الله يبيض وجهه معلاء شكرآ لك من الإعماق على ماتحفتنا بهذه القصيدة وصح لسان الشاعر / العنزي وهو مافيه قصور والله يسلم الممدوح ويستاهل |
رد: الشاعر صالح العنزي يهني منصور الوسوس ابن منيديل الشكر للاخ علي فهو من اوردها وشكرا على دعمك في مطلبي ولا زال الطلب قائم عند ابومحمد |
رد: الشاعر صالح العنزي يهني منصور الوسوس العفو يأخ علي العذر والسموحة منك وتشكر على هذه الرائعة اخوي معلاء لن تحذف له وهذا طلب مني نيابة عن الإعضاء جميعهم نرجوا من اخونا منصور تقدير هذا الشيء لنا ونحن نعي جيدآ بإنه لايريد ان يقدم طيب كل الملاء يعرفونه ولكن مانقول الا بيض الله وجهك ونحن نطمح بالمزيد عنه والقصائد اللتي تكتب له ولطيبه شكرا للجميع همسة : - أنسى يامنصور انها بتحذف |
رد: الشاعر صالح العنزي يهني منصور الوسوس يستاهل ابو محمد |
رد: الشاعر صالح العنزي يهني منصور الوسوس جميع ربعنا اللي مروا على القصيدة لكم الشكر وتصدقون ماحصلتها الا بعد مجهود كبير لاني بعد ماكتبتها ما ادري وين راحت له لكن الشكر للي علمني كيف احصلها بصراحة قلت راحت مثل قصيدة المطيري اللي يحصلها له جائزة . يبن منيديل تعجبني ورايك صايب ابو محمد يكون خير احترني هههههههه |
رد: الشاعر صالح العنزي يهني منصور الوسوس صح السان الشاعر ولافيه قصور منصور الوسوس ( ابو محمد ) يستاهل كل علمٍ غانم ارفع راسك دمت بوود واحترام ومن مرتبه الى اعلى بيض الله وجهك علي ولاهنت على ماتتحفنا به وزدنا مماعندك دمت بود |
رد: الشاعر صالح العنزي يهني منصور الوسوس نبي نبارك للفريدي وتقدير= بالرتبه اللي تو علق جديده والمرور قصيباء نزف التباشير= واللي فرح لعل ربي يزيده الله يفكه من صدوف المقادير=ويكسب ثقة هاك الرجال الرشيده |
| الساعة الآن 08:16 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir