السجن ماهو سجن الاجسام والناس= السجن سجن اشواقنـا والمشاعـر
والسجن احيانا يهذب لـك انفـاس= ويازين سجن فيـه قلبـك وحايـر
الحب واحد بس ذا العالـم اجنـاس= احدن يصون الود واحـدن مغايـر
وانتى مكانك داخل القلـب نبـراس= مهما حكوا فينا ترى الهـرج بايـر
ماهمنى هـرج القفـا دوم ينـداس= مادام حبك بـا الشراييـن سايـر
,ومن باعني بعته ومااعده افـلاس= مانطـرد المقفيـن والكـون دايـر
من عدنى المـاس عديتـه المـاس= ومن صد عني ما حسبته خسايـر
وياصاحبي لا جيت فى كل مجلاس= لا تتبـع قليبـك اذا الـدم فـايـر
هذا وسجل يا قلم فـوق قرطـاس= ابيات للـي شجـع الفكـر زايـر
اما تصير بموقفٍ يرفع .. الـراس= ولا توقـف لا تجيـب البصـايـر
اشواقنا 'طير مـن الـود حسـاس= لو تطلقه اصبح من العشق طايـر
والعشرة اللي ما توثق على سـاس= ماتنجبـر والله باقـوى الجبـايـر
والبارحة اطرى على الفكرهوجاس= ما غمضت عينـي تهـل العبايـر
من زود همي ما جذب عيني انعاس= كن السهر ( حاتم ) وجفني مساير
دايم لكل انسـان نظـره ومقيـاس= وانتى بعيني حب واحسـاس ثايـر

صح السان قايلها وناقلها
وفقت با النقل
الف شكر لمشاركاتك

اخوي هايس العلوي