مجالس الفرده - عزالله انك جرت يوم الزمن جار

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - عزالله انك جرت يوم الزمن جار (http://www.alfredah.net/forum/threads/alfredah17986/)

عزالله انك جرت يوم الزمن جار

نشدت عنك نجوم نجد ونسيمه
،،،،،،،،،،،،،،،،،،،،ومن ساطع القمراء تحريت الاخبار

ونشدت عنك مع السماء كل ديمه
،،،،،،،،،،،،،،،،،،،،ورحت استشف العلم من همس الازهار

ومريت بطلال القصور القديمه
،،،،،،،،،،،،،،،،،،،،اللي بها سجلت انا وانت تذكار

انشد وادور والاجابه عديمه
،،،،،،،،،،،،،،،،،،،،لاصوت جاوبني ولا دار ديار

ورجعت ازايم عبرتي والهزيمه
،،،،،،،،،،،،،،،،،،،،مكسور خاطر بالغ الحزن منهار

ضاق الفضاء واصبح بعيني خريمه
،،،،،،،،،،،،،،،،،،،،ماشوف لي معها بلياك معبار

وين انت ياتوم الحياة اليتيمه
،،،،،،،،،،،،،،،،،،،،فوق الثرى ولاعليك الثرى ثار

كان انت حي وفي ظروف سليمه
،،،،،،،،،،،،،،،،،،،،عزالله انك جرت يوم الزمن جار

ماتدري ان الهجر ظلم و جريمه
،،،،،،،،،،،،،،،،،،،،وان الجفاء في حق راع الوفاء عار

وكان انت ميت فالمصيبه عظيمه
،،،،،،،،،،،،،،،،،،،،الدمع مايكفي ولو صب مدرار

ياللشقاء ياللقهر والهضيمه
،،،،،،،،،،،،،،،،،،،،ياللعذاب اللي بداء معي مشوار

تصبح حياتي كلها دون قيمه
،،،،،،،،،،،،،،،،،،،،ونور الامل في ناضري ينقلب نار
للشاعر خضير البراق العتيبي