ما كل مايكتب بقوقل نجيبه
 

من لا يعرف الشعر لا يبتلي به
لا يكتبه ليا صااار ماهو بقده

ليا صاار مايدري بجزله وعيبه
ولا يميز بين جزره ومــــــده

لا ينقل الا شيئ يرفع نصيبه
ويشرفه بين البشر يوم رده

ماكل ما يكتب بقوقل نجيبه
ولا كل من قال القصااايد نعده

ولا كل بيت (ن) ننخدع في غريبه
لو زلزل الوجدان والقلب شده

ليا صاااار ماهو جزل ويش ينبغي به
الهزل هزل ويحرج اللي يمـــــــده

اول قوانين القصيد العجيبـــــه
الوزن لان الوزن معروف حـــــده

الوزن بالانشااااد مااهي صعيبه
ينقاااد بلسااانك بوقفه ومــــده

لحن كلااامك تعرف اللي يريبه
لان الغنا ليا اهتز بيتك يشده

وان ضاع لحن البيت لاتستعيبه
غير وبدل بين ساااكن وشـــده

واختااار من زين البيوت العريبه
مايطرب العرااف واهل الموده

ابياات فوق الشك من دون ريبه
ترفع مقاامك بيننا دوون صده

وان جيت تنقل شيئ غنه وجيبــــه
واحكم على نفسك بهزله وجده

لو جاملك وااحد بذووووقه وطيبه
تبقى الحقيقه نااارها مستبـــــــده




http://alfredah.org/up/uploads/54b2b6a570.jpg

رد: ما كل مايكتب بقوقل نجيبه
 

صح لسان الشاعر

مشكور سلطان على هذه الاضافة