مجالس الفرده - رفقة ردي المعرفة بعتها ديــن

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - رفقة ردي المعرفة بعتها ديــن (http://www.alfredah.net/forum/threads/alfredah17528/)

رفقة ردي المعرفة بعتها ديــن

يامتعب الأقدام رايح علـى ويـن=مع جرة جاهـا العجـاج ودفنهـا
ارجع وعد اخطاك وحده وثنتيـن=واردع جماح النفس وامسك رسنها
ولاتسبر الدنيا ترا وضعها شيـن=ماعاد ابـه دنيـا صحيـح بدنهـا
ليا صاروا العقال مثـل المجانيـن=واصبح ردي العرف يامر وينهـا
انا مجـرب والتجـارب براهيـن=أراهـن الأيـام واكسـب رهنهـا
ومنها عرفت الفرق بين الفريقين=سبحان من صاغ العقول ووزنهـا
ياكثر ماشفنا من الشيـن والزيـن=في شرقها في شامها فـي يمنهـا
في غربها في كل شتى المياديـن=وكيف انتغاربهـا وهـذا زمنهـا
لا شك أخذت من التجارب براهين=وضمنتها لن كان ربـي ضمنهـا
رفقة ردي المعرفـه بعتهـا ديـن=على زبـون ضمهـا واحتضنهـا
حاول يجيني بالثمن قلـت بعديـن=احفظ فلوسك لين ننشـدك عنهـا
مابعتك الا سلعـة ياحمـر العيـن=أبيعهـا وأبيـع حـتـى ثمنـهـا
والله ما أبا الثمن فيها لو بقرشين=بس المهم إنـي تخلصـت منهـا

الـشـاعــر الـكـبـيــر
رشــيــد الــزلامـــي