|
ترى حنّا تعدّينا الخطوط الاستوائيــــــــــــــــ ــــــــة للعملاق الشعري : ضيدان بن قضعان على عيد انكساري في غرامك قبل تسع سنين تذكّرتك وقلت آكلّمك والنية النيـــــــــــــــــــــ ـــــــة آلو لبيه يأغلى من ذبحني قبل عام ألفيــــــن و مِت ولا حييت إلاّ على ذكره وطاريّــــــــــــــــــه أحبك وين ما سجّت عيوني في الزمان الزين وسجّجني الزمان إللي متاهاته خياليــــــــــــــــــة ولا سجّيت عن آخر لقا عطّارة البحريــــــــــن ودهن العود وأشياء الشيوخ البرجوازيــــــــــــــة رعى الله كل يومٍ مرّنا ما قبل ذاك الحيــــــــــن على ذمّة صُفى الأيام والأحلام ورديـــــــــــــــــــة يوم إنك تستحي تذكر إن عمرك وصل عشرين وأنا ما طاب لي إلاّ ما ورى العشرين بشويـــــــة ياحلو أحلامنا ومراهقتنا والبلا بعديــــــــــــن كشفنا ضحكة أول حلمنا ودموع تاليّــــــــــــــــــه ولكن ما ندمنا، ليه؟ لأن العالم الحلويـــــــــن يعيشون الغلا وفق القوانين السعوديــــــــــــــــة عفا الله عن ملذات الهوا والعشق والتخمين وسجّات الغرام ولذة الحب الحقيقيــــــــــــــــــ ـــة فديتك يوم تاخذني معك ولا أدري ويــــــــــــن معك من وين ذعذع هواك ومالت الفيّــــــــــــــة غدينا كنّك الشاعر وأنا واحد من الغاويـــــن نهيم بكل واد من العليّا للعزيزيــــــــــــــــــ ـــــــــة وبعد ما فاتنا ركب الحياة وشفت شوف العيــن مسارات الطريق والاتجاهات المصيريـــــــــــــــة عرفت إن كل شيٍ له نهاية والنّيا والبيــــــــــن مصير الشاعر إللي خانت أوزانه قوافيّــــــــــــــه خلاص اعزم على الفرقى ولا لك في رقبتي دين ترى حنّا تعدّينا الخطوط الاستوائيــــــــــــــــ ــــــــة تفاهمنا على حسم الأمور وكلّنا راضيـــــــــن وتوادعنا ما كن قلوبنا خضر و هواويـــــــــــــــــة ومع هذا عجزت أسج وأنسى وأترك المقفيـــــن أغصب القلب لكن الغلا قدرة إلهيـــــــــــــــــــــ ـــة أعن لكل ما في نجد حتى شارع الستيــــــــــن وأحن إلا ذعذع الغربي على أهل الشرق عصرية وإلا منّه سرى من كل ليلٍ حروة الثلثيـــــــــــن عرفت إن نسبة النسيان دون اثنين بالميـــــــــــــة وفكّرت آتبدوى مع أهل البل وأترك أهل الضين يجوز البل تنسّي من تبعها عن مشاهيّــــــــــــــــه وشريت الوضح لعل وعساي أسلى مع السالين وقعدت أشد وأنزل في التهاتيه الخلاويـــــــــــــة ولكن ما تغير حال هذا أنت اتحداني ليــــــن نويت أتم نصف الدين والنيّات مقفيــــــــــــــة وخذيت من البنات الغيد وحدة وثنتيــــــــــــن عساي أسج عن طاري الهوا وطيوف غاليّه لكن الوضع هو هو ما تغير والزمان يشين وحبك كل يوم يزيد في العين الشقاويـــــــــة عسى ربي يعافيني ولا يبلاك قول آميــــن تراني كنّي إللي واطيٍ له جمرةٍ حيّـــــــــــة وتراني يوم أكلّمك فديتك عقب تسع سنين ما غير أهيّض العبرات ولاّ النية النيـــــــة للعملاق الشعري : ضيدان بن قضعان |
رد: ترى حنّا تعدّينا الخطوط الاستوائيــــــــــــــــ ــــــــة وإلا منّه سرى من كل ليلٍ حروة الثلثيـــــــــــن= عرفت إن نسبة النسيان دون اثنين بالميـــــــــــــة 2% فقط لاغير !!! وانت يا ابن مطيع أخذت مني علامة 100% على هذه المشاركة |
رد: ترى حنّا تعدّينا الخطوط الاستوائيــــــــــــــــ ــــــــة اقتباس:
دائماَ ابقى مبتسماً امام رودك الجميله والرائعه كل الشـــكر عل المرور الجميل والرائع على المحبه نلتقي |
| الساعة الآن 02:53 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir