مجالس الفرده - >> الحب شايب والفراق ابنـه العـاق <<

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - >> الحب شايب والفراق ابنـه العـاق << (http://www.alfredah.net/forum/threads/alfredah1743/)

>> الحب شايب والفراق ابنـه العـاق <<

قصيدة جديدة للشاعر / سلطان بن بندر بن بتلاء

الحب شايب والفراق ابنـه العـاق = والوصل غايه والقصايـد وسيلـه
اثر المفارق لـه علاقـه بالاخـلاق = ويقصر طويلة صدر راعي الطويله
مافيه اشرّ من الهواوي ليا ضـاق = من ضيقته حتى البزر يشتكـي لـه
ياللي غضبت وكانت حلولك فـراق = الغيـض ولعـه والمجـادل فتيلـه
ابليـس للفتنـه وللشـر سـبّـاق = يجيك في صـورة رذيـل ورذيلـه
العين مايغـدي بهـا كـل بـرّاق = والاذن ماكـل الحكـي ترتخيـلـه
راعي الكلام يزّود الطـاق بالطـاق = يحكي بشخص وياصله ويحكي لـه
خص ٍ ليا كان الحكي بيـن عشّـاق = ماله سوا: مالـك دخـل والفشيلـه
لو شفت وش قيمة غرامك بالاعماق = ماطعت لـو لامـوك فينـي قبيلـه
ماهو تضيّق صدرك وتركز السـاق = كنّي كفـرت وقاتـل ٍ لـي قتيلـه
ياللي خدودك قطنه وعودك دقـاق = والوجـه ياحلـوه وياحبنـي لـه
عليـك ماظنـي بتحـتـار الاذواق = الا اليـا كانـه هبيـل او هبيـلـه
صغيّر ٍ وتشيـل حمـل ٍ ماينطـاق = وشلون عافـرت الحمـول الثقيلـه
وانا احسبنك طيّـب وقلبـك رقـاق = يامدرّس فنـون القسـاوه لجيلـه
رح والشقا على الهواجس والاوراق = ياللي عقب فرقـاه شوقـه بديلـه
اشتاق وادري مانت راجع لو اشتاق = مير العـوض بالذكريـات الجميلـه