يا اللي شريت البعد .. ما غاب طاريك للشاعر / حمــــــــــد آلبريــــــــدي آلمــــــــــــرّي شفتك بعد غيبه .. وحاولت احاكيـك ..........................مهوب من قلبي ولا مـن جراتـه !! بغيت اقول / فلان وازريـت اناديـك ........................وكني سمعت اسمـي معـا لالتفاتـه فزيت من نومي وانـا اقـول لبـــّيك .....................وآثرك رويا .. فـي منامـي وجاتـه ! صفقت كف .. وقلت : يا حلم يشويـك ......................جدّدت لي جرح ٍ هنـى فـي مباتـه يا اللي شريت البعد .. ما غاب طاريك ....................حتى لو ان البعـد .. سـوى سواتـه مهوب محزني .. على حاجـةٍ فيـك ...................إلا ,, " إن قلبي شايـف ٍ بـك غناتـه " !! كن الطيوف تقـول : وشحـال غاليـك ؟ ..................وآقول : راح .. وما بقـى الا غلاتـه .. ( لو ان ما جانـي مـن الهـم ياتيـك .................كان المصلي ما حفـظ وش صلاتـه ) ... مريت شارعكم .. وصادفنـي أخيـك .................واللي قطع كبدي .. حلاتـك حلاتـه ... بغيت الخبط من دعايـاه ,, وادعيـك ................واسمك وقف بين " اللسـان ولهاتـه " !! وبغيت اجيب العيد ,, وآقول : يرضيـك ...............فاللي وصاتي له .. وضيّـع وصاتـه البعد شيّـب خافـق ٍ ميـت فيـك !! .............والى مشى خطوه عثر فـي عصاتـه .. مشكلتي / إن قلبـي يحبـك ويغليـك ................ومشكلتك / انك شخص عايش حياتـه ! كثر الجفا .. " نار " .. وحطبها تغليــــك ................خف الحطب .. لا تزيد نار الشماتـه إن ما احزنك جرح ٍ برجواه يدعيـك ..............ما عاد تفرق .. عيشته مـن مماتـه قلبي وعمري .. كلهـا بيـن اياديـك ............العمر فدوه .. لكـن القلـب " هاتـه " !! وإن ما بغيت ترد قلبي مـا اوصيـك ............. " احسن عزاه .. الـى دريـت بوفاتـه " للشاعر / حمــــــــــد آلبريــــــــدي آلمــــــــــــرّي |
رد: يا اللي شريت البعد .. ما غاب طاريك مريت شارعكم .. وصادفنـي أخيـك .................واللي قطع كبدي .. حلاتـك حلاتـه وهذاك يقول جاني ولدها يبتسم بين الأطفال ومن بسمته ذكرت أنا بسمت أمه صح لسان الشاعر ويعطيك العافيه يابن مطيع |
رد: يا اللي شريت البعد .. ما غاب طاريك اقتباس:
الأخ ابن راكب بيض الله وجهــــــــــــــــــــك على المرور ومتابعتك المستمره الجميع الأقسام |
الساعة الآن 08:15 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir