|
والضيف لازم معازيبه يودعها . السلآم عليكم‘‘ هذه هي القصيده من كلمآت الشآعر ’’سعود القت ‘‘ قصيده ملئت بالحكمة .. أتمنى لك وقتاَ ممتعآ،، قال الذي قاسى من ماضي تجاريبه له مدةٍ صفحة الماضي يراجعها الوقت ما دوم صافيةٍ مشاريبه لابدّ من ساعةٍ تشكي مواجعها الآدمي ضيف والدنيا معازيبه والضيف لازم معازيبه يودعها لو شاف من ثغرها بسمة وترحيبة لابدّ روحه ملاك الموت نازعها شيٍ كتب في سجله لازم يصيبه أقدار الأمة موقّتٍ مدافعها ياللي تذم البخت وإنته تسابيبه مقياس جيد السلع جودة مصانعها ما كل طيرٍ يعشنه مخاليبه ولا كل لقمة تسد لجوع جايعها كم مستريبٍ ولا بانت به الريبة وكم من نزيهٍ عباة الشك قنعها السيل غير مساره عن مساريبه روس الخليقة مشت مع درب تابعها بيت الشكالات مرخيٍ في أطانيبه أهل الودايع تخلت عن ودايعها ولا عاد للبعض لا قيمة ولاهيبة من يوم بعيونها بادت طبايعها وصار القياس الحقيقي للرجل جيبه والناس شالت ضررها في منافعها من زاد ماله لزوم تزيد أصاحيبه لو صملته لا لفحها القيض ميعها ومن قل ماله تبا تكثر عذاريبه لو كان لا كبرت الدعوى يسنعها ومن يعترض في نحاة السيل ينحي به لو كان نفسه هواها ما يزعزعها يقل سعر الفشق سبة مكاذيبه وتوزن حمول الأصايل من تهجرعها والرجل ما يشبل إلا في ذواهيبه ما هو عصا للبشر ويرد تايعها ما يعترض كلمةٍ ما طلعت شيبه بضاعةٍ بين سايمها وبايعها رحاة جاشٍ برمها الوقت ولهيبه وفاعت هجوس الفكر من حر لايعها من صلوها قلط الكيف لشواريبه فنجال من دلةٍ ما الوقت طايعها عقدٍ من اللول منظوم للواعيبه في جيد من ذيّروها من مراتعها |
رد: والضيف لازم معازيبه يودعها صح لسان القت وسلمت يمينك على هذا الاختيار الراقي |
رد: والضيف لازم معازيبه يودعها اقتباس:
انت صاحب ذائقه شعريه ولك مني جزيل الشكر |
| الساعة الآن 12:33 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir