والله يالولا الصبر والامل والظـن=بالله يبـدل سيتـي بحسنـاتـي
ودلال رسلان بها الهيـل والبـن=تحوفهـن يمنـاي ومكرمـاتـي
من حبهن ليـه تقـول يتحاكـن=ومن حبهن عندي تطول سهراتي
لياادبح بهيم الليل وهجوسنا جن=فنجالهن يبـرد لهيـب نهتاتـي
لاون ونة من بعود القنـا طعـن=بمشيشل من كف شبـل زناتـي
واني لاشرّح مقدم الثوب وانجـن=وقدام خلـق الله لافجـر سكاتـي
على رجال يـوم فيهـا اتفطـن=لابصرت فيهم عفت تالي حياتـي
لهم وقار داخـل القلـب يسكـن=والصبر عنهم صار من معجزاتي
اقفوا وخلوني وانا صغير السـن=واخذت منهم طيبـات الصفاتـي
ومن قال للموروث علـم يسكّـن=مافادني بيض الورق والدواتـي
اجهش فوادي والعيـون يتباكـن=وهليت من دمعي غزير عبراتـي
وليا صفا راسي وقلبـي تطمـن=قلت المقافـي مايجـن راحعاتـي
وانـا ادري ان ايامهـم مايـردن=هيهات ترجع ماضـي المقفياتـي
ولولاي ازور ديارهـم واتوطـن=واشرف عليهم بطايل النايفاتـي
واشـم ريـح ديارهـم واتفطـن=وادله واعيش بماضي الذكرياتـي
لاشك عبثـات الليالـي يصيبـن=ويخلن الرجـال فكـره شتاتـي
وقبل امس جات اخبارهن مايسرن=اخبـار فيهـا طابـع المفجعـات
غديت مثل اللي خطف عقله الجن=واصبح يهوبي مع هوى الذارياتي
على رفيـق بالوفـا مايتهـاون=صنديد ماهو من رجال الشماتـي
وسيف من الفولاذ ماهوب معـدن=من ابتع خيار سيوفنا المرهفاتي
سبيل بـن سنـد ليالـه تقافـن=واضيقتي من غيبتـه وافجاتـي
وش عاد لو قلبي تكـدر وحـزن=حكم المنايـا بالبشـر صايباتـي
سنة عزيز الشان والله لها سـن=من جاه يومه مابقى لـه حياتـي
كد قالها صالح وانا اقول صابـن=سر الامور اسبابهـا المحدثاتـي
والادمي لـو فيـه الايـام طالـن=لابد ماتركـز عليـه الحصاتـي
ولو كان من يبكي دموعه يفيـدن=ياما بكينـا مطوعيـن العصاتـي
فهود الزراج مطوعة كـل مفتـن=الى جا نهار فيه مثـل الجناتـي
الى جت كراديس السبايا ولحقـن=ولحقوا عليهن ميتميـن البناتـي
بيدينهـم شلـف وطـرم تلظـن=صنعن من الفـولاذ ومشرفاتـي
ليا وردوهن لاحمر الموت شربـن=وان صدرن جن غيرهن وراداتي
وشعارهـم وفعولهـم مايهـزن=وتاريخ وفعول عليهـا الثباتـي
وشعر بليا افعال وامجـاد يمهـن=مافيـه لاحكمـة ولابـه حلاتـي