يا فاطري خوذي من الدو ذو مال=الشمس غابت والمسافة بعيدي
منصاك شيخ للمناعير مدهال=اليوم ويوم المرجله عند الايدي
منصاك محمد ون هبا هافي الخال=منصاك مني للشجاع الفريدي
لا جيت عند الشيخ ممدوح الأفعال=عطه الجواب اللي بطيه قصيدي
وفي مجلسه خذ لك من البن فنجان=ورافق رجال تستحق الحميدي
اللابه اللي للعدى كنها جبال=ترسي بيومٍ فيه شاب الوليدي
شفّي ونا مفرح رفيقً للابطال=وارفع مقامي عن مقام البليدي
أرافق الطيب على شيل الأثقال=والله ماحط اللاش ليه عضيدي
المعذره من قلة العرف بالحال=يابو حسن بالبال شين يحيدي
بالبال بركانن يسبب الزلزال=شين قديم وشي منها جديدي
ولاتنشكي الشكوى على كل رجال=إلا على اللي باللوازم يفيدي
ولا كل من يركب على الخيل خيال=ولا كل من يقنص يروح ويصيدي
الوقت هذا يالفريدي غثا بال=قضا على الشيمه وصلب الحديدي
كل يقاس اليوم وزنه على المال=متساوين با الشيخ خبل العبيدي
يابو حسن ما كل رجال رجال=الناس تربه والنتايج حصيدي
والوقت هذا لصناديد غربال=للاش والحرمه تقل يوم عيدي
ان سئلت نفسي عنه ما من فضى بال=والله عليمٍ فيه بالمستفيدي
كيد ونكد ما بين نازل ورحال=ولي نزيل اليوم بكره شديدي

الشاعر مفرح بن مليحان العنزي

رحم الله ابو حسن واسكنه فسيح جناته

وصح لسان الشاعر مفرح العنزي

ويعطيك العافيه أخي عبد العزيز الشملان

الله يغفر لبن حسن وصح السان قايلها
وناقلها