أنا من خلقتي مأعشق ضعيف المعرفة و النوع=ولاهو كـل ديـن يجـوز لـي ويجـوز مـع دينـي
معزة نفسي اغلى ما أملكه مانـي دنـوع متـوع=وعـنـدي للـكـلام الـلـي بــدر مـنـي براهـيـنـي
رجايه بالله أوثق من رجاء نفعتـك بعـد اسبـوع=أنـا مـا ألـز نفـسـي فــي مـكـان(ن) مايلزيـنـي
عليّـه مـا يحـط الحـبـل لا مثـنـي و لا مـربـوع=ولا هسـت مـع اللـي هــس ميـزانـه موازيـنـي
أطوفهـا يجـوز..ألا أنهـا تمشـي عـلـي قـطـوع=اذا مــا كـنــت راضـيـهـا تـعــدا مـــا تعـديـنـي
بزنـدي طقتيـن مـن الـدهـر و الثالـثـه بالـكـوع=اذا ما صحصحن فكري بعدهن وش يصحينـي
يبا الله يفتـح ابـواب الفـرج مانـي بميـت جـوع=جلـيـل المـلـك مـحـمـود العـطـايـا لا تمانـيـنـي
أضفت اسمك لخلان المصالح قفـل الموضـوع=إخذها كاش..ماعندي مجامل طحت مـن عينـي
بعون الله لكفن مـا خضعـت براسـي المرفـوع=لغيـر اللـي خلقنـي ثـم لأبــوي الـلـي مربيـنـي

ريما

ذيبان

عايض المقطع


شكرا لإطلالتكم الغالية

وحضوركم المشرف