|
في ذمتي ماعاد باقي رياجيل قصيده جميله الشاعر وصل العطيانــــي أتمنى ان تنال أعجابكم الى القصـــــــــــــــــــــ ـــيدة
هذي طبوعي كل ما عسعس الليل= أصلّـح الدلـة وأجـــر اللحونــــي بريـةٍ موزونـة البـنّ والهـيـل= والماء بوزن وحيّ هاك الوزونـي منهـا تكيّفنـي ثلاثـة فناجـيـل=وأرتاح ويطير السهر من عيونــي وأراجع الذكرى وأجـرّ المواويـل= والذكريـات بكـلّ شكـلٍ ولونــي البعض منها يشرح الصدر بالحيل= والبعض لا والله يجـدد طعونـي وأرجع وأفكّر في الليال المقابيـل= لعل وقتـي مـا يخيّـب ظنونـــي وأدخل على الله من حياة الغرابيـل=حيث إن همّي ما تشيلـه متونـي كنّك مفصّل فوقي الهـمّ تفصيـل= لين إلتبسني مثل لبـس الجنونـي حالي كما حال القلوب المشاغيـل=اللي من أطرف شـيء يتـأثّرونـي لو يشتكون الغبن والجور والميـل=للغيظ وسط صدورهـم يكتمونـي فكّرت الا الموضوع يحتاج تحليـل= وفنّ الدراسة واحـدٍ مـن فنونـــي عرفت وش عكّر مزاج المشاكيـل= يوم إنهم مـن وقتهـم يشتكونـي أول سبب: نقالـة القـال والقيـل= الطغمة اللـي جعلهـم يذهبونـي قلوبهـم بالحقـد سـودٍ مغاليـل= ومن طبعهم بالمشكلة يفرحونـي وثاني سبب: ناسٍ على مثل ما قيل= لا يقطعـون الشّـر ولا ينفعونـــــي والله ما يرفع ضغطك إلا المهابيـل=العالم اللي في النحـر ينشبونـي وثالث سبب: ناسٍ سوات المخاييل= على سلوم الطّيب ما يحرصونـي خلّو سلوم أجدادهم رغو مع سيـل= وفي عالم التقليد جو يركضونـي طشّوا عمايمهم ولبسـوا بناطيـل= والموس فال أشنابهـم والدقونـي وأرقابهم ما سلمت من السلاسيـل= تطبّعوا بطبـوع هيـم البطونــــي في ذمتي ماعـاد باقـي رياجيـل= إلا القليـل وجعلهـم يثــــبتـونـي صفّة بعد صفّة وجيلٍ بعـد جيـل= كلٍ من اللي قبله أنقص وأدونـي هذي هي الأسباب من دون تفصيل=شرحت روس أقلام بس أعذرونـي واللي يبي تفصيل بالحيل بالحيـل= يقـدر يكلمنـي علـى تيلفونــــي الشاعــر ...... وصل العطيانــــي |
في ذمتي ماعـاد باقـي رياجيـل=إلا القليـل وجعلهـم يثبتـونـي صفّة بعد صفّة وجيلٍ بعـد جيـل=كلٍ من اللي قبله أنقص وأدونـي هذي هي الأسباب من دون تفصيل=شرحت روس أقلام بس أعذرونـي واللي يبي تفصيل بالحيل بالحيـل=يقـدر يكلمنـي علـى تيلفونـي (خير القرون قرني ثم الذين يلونهم .....) تسلم ياابن مطيع وصح لسان الشاعر وصل |
الأخ نوااف تسلم على مرووورك وياهلابك |
ابن مطيع تسلم يمناك وصح لسان كاتبها وناقلها ويعطيك العافية على الطرح المميز والجميل . |
صح لسان الشاعر وبيض الله وجهك يابن مطيع |
نقلت وابدعت صح لسان الشاعر |
أحمد النومان@ والأخ عايض المقطع@ طلال الحماد تقبلو شكري على ذائقتكم الشعريه |
صح لسان الشاعر وسلمت يمينك يابن مطيع |
ابن مطيع صح لسان الشاعروأنت دايم نقلك مميز واقول عساك سالم وغانم على هالنقل الجميل. يامـحـلامــع السحــرشبـت النار ** يــومٍ كلٍ نايمٍ مـع حريـمـه ومصلين لك ركعتينن بالأسحار ** اليارقدعنهاخطات الهليمه |
اقتباس:
شاكر لك مرووورك الكريم ستاذي ناصر |
اقتباس:
أخي رفيدان انت شاعر ورودك على القصيده يثبت جماله القصيده وشكرأ لك على أضافة الأبيات الشعريه ولاهي مستغربه على شخصكم الكريم
يامـحـلامــع السحــرشبـت النار= يــومٍ كلٍ نايمٍ مـع حريـمـه ومصلين لك ركعتينن بالأسحار = اليارقدعنهاخطات الهليمه |
الفاضل : ابن مطيع اختيار رائع جدا وقصيدة جميلة شكرا لآبداعك المتواصل ونقلك الرائع تقبل اجمل تحية |
اقتباس:
ولك مني أجمل تقدير وحترام على الرد الجميل لا عدمناك |
***أحسنت مشعل بن مطيع على حسن الاختيار وذوقك الرفيع **وبعد ان قرأت القصيدة واعجبت بها وبقافها الجميل **قررت ان أقراء الردود بتمعن !!! **لقد ازداد جمال القصيدة بالردود الجميله من محبيك والمعجبين بذوقك وحسن اختيارك **إنني لااختلف عنهم بشيء سوى انهم سبقوني مشكورين لشكرك **ومتابعة مشاركاتك الجميلة **وكلمة شكرا لاتكفيك !!! >>>> سير والابداع يواكب خطواتك |
اقتباس:
شهاده اعتز بهااااااااا وفتخربهاااااااااا وسام على الصدر بيض الله وحهك ابو راكان |
انتقاء جميل للقصائد وصح لسان الشاعر تقبل مروري وتحياتي |
ابن منصور بيض الله وجهك على المروووووووووو و....هلاااابك |
| الساعة الآن 02:46 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir