يابليس خل الناس لا تبتليها =أجرمت بالعالم وعند الله أجرمت
طيرت لك ناس قصار يديها =وسط المجالس تسمت ارواحها سمت
ناس تلوم الناس واللوم فيها =ياليت بعض افميهم تلزم الصمت
ما كنك إلا ذابح والديها =وإلا معودهم على السب والشمت
من له طبيعه ماضيه مانسيها =والحنظله مر طعمها إلى اطعمت
هذا كلامي والدناعه مابيها =ومن كثر طقات الزمن لي تعلمت
عزيز نفس وكلمتي محتميها =واقول عن سب الأجاويد حرمت
من قام وأقبل رفقته نشتريها =والمرتكي عن حب راسه تشيمت