لا تشتكي من ضيم الأيام وتبوح =كثر الشكاوى للرجل ما تفيدي
ما كل رجال من القوم طحطوح =ولا كل حزاتٍ على ما تريدي
دنيا الفنا كل تجي له بساموح =لو أضحكت لابدها ما تكيدي
والعبد يتبع ما كتبله على اللوح =لا ناقص دونه ولا هو يزيدي
مدبرٍ بأمر الذي يعلم الروح =الواحد اللي معتني بالعبيدي
مرسل سفينة نوح وارسل بها نوح =أمرٍ به الوالي عليم وشهيدي
ومن عزة الرجال له فكر واشبوح =يقطع رهاريه الخلال بالجليدي
يمشي طويل وقدمه الدرب مفتوح =عزيز نفس وللمواقف سديدي
ما تستوي له مد يمنى لمشفوح =ولا كريم من حلاله يجيدي
من لا خذا من كف يمناه مصلوح =يمناً لغيـــــره ما تبل الوريدي
وش عاد لو هو من ذهب جاحها جوح =الناس تفطن بالدليل الوكيدي
اليا وردت اشرب على عد نقروح =يا طيب رجلٍ يرفعه فعل الايدي
عنا زمانك عدة أيام ويروح =والصبر بالشدات دايم حميدي
ولا بينك وبين الولي باب ونطوح =عن كل من يرجيه ما هو بعيدي
نصيحةٍ مني وأنا قبل منصوح =لعل تدرك ما يقول الوسيدي

المشاركة الأصلية كتبت بواسطة عايض المقطع (المشاركة 118756) الف شكر يابن مطيع على النقل قصيدة جزلة ورائعة

المشاركة الأصلية كتبت بواسطة علي الجضعان (المشاركة 118858) بن مطيع تسلم على النقل وصح لسان الشاعر / سلطان الوسيدي جهود تشكرعليها

المشاركة الأصلية كتبت بواسطة منصور الوسوس (المشاركة 118869) صح لسان الوسيدي قصيد من اجمل ما قرأت سلمت يمينك على هذا النقل الرائع اخي ابن مطيع تقبل اجمل تحية