مجالس الفرده - ليش المحلل عن الموضوع متغاضي


	بدر الحويفي الحربي.. يفند حال الشعر ويقف على ماطرأ عليه من شوائب عكرت صفوه.. كتب بلسان الغيور وبقلب المحب فكانت هذه القصيدة: وفعلا هذه حالة الشعر الان؟؟!!

شوايب الشعر كثرت مـن يعالجهـا=قبل تسرّب بها الفوضى والأمراضي
قامت تغيـر صفتـه عـن مناتجهـا=باشعار يلقا بها المليـان والفاضـي
والشعر ميزة عقول الناس وحججهـا=والناس كل بعقله لـو غـدا راضـي
تعرف عقول الأوادم مـن مناهجهـا=من عصرنا اللي نشينا فيه والماضي
مجالس الشعر هزل الشعر يسمجهـا=والشعر ما هو مجرد سرد والفاظـي
كرامة الشعر واجب رفـع هودجهـا=تبقـى معالـم لهـا راوي وحفاظـي
واجب على الشاعر العاقـل يتوجهـا=عرضه يصونه ولا يغتاب الأعراضي
والكلمة الناقصـة واللـي يروجهـا=نبراسها مع طريق النـور ماياضـي
بعض القصايد بهـا بيـتٍ يخمجهـا=ليش المحلل عن الموضوع متغاضي