سلام مني عدد ما هل همالي=واعداد ما دندنت ثم لاح بارقها
بالصاحب اللي عزيز"دايم وغالي=ومن ساس ناس" رفيعات"مناصبها
انصابة الي من اللي قدرهم عالي=الي دروب المراجل دوم عانقها
غنام انا اليوم والله ضايق"بالي=من كلمة"حولت باقصى عمايقها
وبين النشاما معروف زين منزالي=حيث النشاما تميز في مناطقها
والا الردي عارف انة يصفق الجالي=ليتة يثمن علومة قبل ينطقها
وانا ماني من رجال القيل والقالي=ولاني كما الي سواليفة يمرقها
اقول ياليتني قفلت جوالي=من شان ما ابلش باللي رداها يسابقها
والعيب لا جتني من الصاحب الغالي=تصير جمرة على كبدك وتحرقها
لكن ما عاد فيها يابعد حالي=كلمتك يابن العرب يصعب تلفقها
واخر كلامي وهذا الموجز التالي=بيبان بعض العرب ما عاد نطرقها