يا سيدي سلطان بن عبد العزيز بن سعود=يصاحب الكف الكريم وصاحب الشان الكبير
الله يحفظك ياولي العهد رجال العهود= والله يردك للعيون الي تراقب لك بخير
وش خانت البيت المسور كان ينقصبه عمود= ووش خانت الامه بلا شوفتك يا السيف الشطير
انته ذرا للمملكة با السلم ولا بالصمود = وظلن يعم الشرق الوسط من كبير ومن صغير
المملكه تثني عليك من الحدود اليا الحدود = ومن شاطي البحر الغزير إلشاطي البحر الغزير
ومدامها تثني على سلطان حلال العقود=لا والله ألا ماتلام وان هلت الدمع الكثير
الناس ترحل وتخلفها ناس والناقص يزود= لكن مثل سلطان يبقى عن جميع الناس غير
مهما يسمى با البشر بسمه وتزداد الجهود= يبقى ولي العهد هو سلطان الاول والاخير
ياصاحب الوقفات جعلك للوطن واهله تعود= شوفتك طالع با السلامه عندنا افضل ما يصير
ياسيدي كلك شموخ وكف بطش وكف جود= وتحمل مع العالم صفاتن ماحملها كل امير
لنك ورثت العز والهيبه من عصر الجدود= ولنك ولد من وحد الدوله علي ظهر البعير
عبد العزيز الي لفاها باربعين من الجنود= واستسلمت له من بعد يوما عبوسن قمطرير
كانت مهاجع السباع وولنمور وللاسود = ولابه صباح الا رحاها فوق اهلها يستدير
حتى كتب ربي لها التوحيد باثبات الوجود= علي كفوف مرجح الكفه مجير المستجير
مسح مدامعها وخلاها تباها با الورود = ومن بعد طول إحدادها لبست لها الثوب الحرير
والشاهد التاريخ والمصمك من أخيار الشهود= من ظربة الشلفا بدينا با التطور والمسير
ويا سيدي سلطان بن عبد العزيز بن سعود = الله يردك للعيون الي ترقب لك بخير