مجالس الفرده - يا طير ...


	شاعر / مدغم ابو شيبه السبيعي يا طير ... يا طير حزنك ما غير الصبح واليوم = وانا أمس واليوم والصبح وقفيه يا طير والله ما غير أطيـــــح واقوم = قومـــــــة خويٍ يدافع عن خويه أجاهد النفس مثل الفرس والروم = فـ اشد وأقسى الحروب العالميه وادرى على خاطرٍ غالي ومحشوم = من شرهته لا يسنّدها عليه ولاّ ورى هالضلوع اعلوم وعلــــــوم = لحد ما له نــــــهايه سرمديه يا طير ياللي صفقت الريش للحوم = وانا برجلي طويت الجرهديه أنا من الظلم ميّت وانت مظــــــلوم = ارفع جناحك وانا برفع يديه لله منادي بوجهه كل مظـــــــــــيوم = اللي يدير البسيطه والبريه يزيد معطي ويكفل رزق محـــــروم = ولا تجي بالتساوي ذي وذيه حظوظ تلبس بشوت وتنقل ختوم = واحظوظ ما تسرح إلا في الرعيه وين أنت يللي قدر فرقاك محتوم = ما شح بك غير الأوفاق الرديه يا قسمتي والحياه احظوظ واقسوم = يا قمة الموهبه والشاعريه يا لوحةٍ من سحاب ونار واغـــــيوم = واطارها وردتين ومزهـــــريه كني خوي السهر محارب النوم = من يوم ما صرت عني وانت ليه بيني وبينك روابط حب واسلوم = شبت وشابت ووافتها المنيه اخاف اجيها وانا ماني بمـــعزوم = واقعد بلـــــيا فِراش ومقدريه صبر واكابر واساوم وافرق السوم = وامدها من كفوفي حاتميه والصبر محمود كن الصبر مذموم = لا فقت من بعض الأفكار الغبيه ذكرت يا مال فرقا العين يا قوم = أول هدية غـــــــلا وآخر هديه النظره اللي سهَمها باربع سهوم = ركّبتها في ضلوعي " لولبيه " ليلة سرابك شبح واجنوطه كروم = لا هو بميه ولا هـــــو ستميه غسلت وجهك من الشرهات واللوم = واقفيت حتى ما رديت التحيه