|
محمد السديري رحمه الله سلايل من فوقها حـرب لحـروب الشاعر الكبير محمد الاحمد السديري $ $ اهلا عـدد مامـال ريـح بنبنـوب من خاطر هـرج الـردا ماهذابـه أحلى من السلسال في صافي الكوب وألذ من نقـع المطـر مـن ربابـه من خاطر يشفق على كل محبـوب ويجعل رفيقـه دون كـل القرابـة يكن لـه ماكـن يوسـف ليعقـوب ويحمى قفاه بحضربه مـع غيابـه ويذريه ما يشكي عنا كل لا هـوب ويزيد له بالطيب عن ماهقـى بـه العمر من دونه رخيص ومجلـوب ولا يستمع بهروج حي حكـى بـه نفتح له صدور تذرا ورى جيـوب وعن مـا يعيـب منزهيـن شنابـه يا ابن العسيلي مابكم كـل معيـوب حاشـا ولا فـي طيبكـم مايعابـه لكم على الجودا محاريـف ودروب وراسين مثل المعتلي مـن هضابـه ودياركم حامينهـا بكـل مسلـوب وياما دخلتوا دونهـا مـن حرابـة وياما نثرتوا دونها الـدم مسكـوب أروى لعطشان الثرى مـن ترابـه ياهل السبايا اللي لها الأصل منتوب معمقات مـن عصـور الصحابـة سلايل من فوقها حـرب لحـروب دايم علـى الـردات عـوج رقابـه وإن جاء نهار مشعل الحرب مشبوب فأنتم على الطوعات مثـل الذيابـة نعم بكم والسيف مشهر ومقضـوب إن حل بأطراف الجهامـة ضبابـة أعني بني سالم ومسروح ووهـوب ما اقولها بأهـل الـردى والخيابـة وادي الرمة من ولبكم صار مهيوب بـروس البلنـزا مبعديـن رحابـه وليا غزوا يمه غزاة لقـوا شـوب وطبوا على بحـر تلاطـم غبابـه الطيب لأهل الطيب يذكر ومنسـوب وكل علـى طولـه يفصـل ثيابـه والناس في دنياك غالـب ومغلـوب وكل علـى شفـه يوجـه ركابـه واللي من أفعال الردا فيـه شـاذوب هذاك كساب الخنـاء فـي شبابـه اختر رفيق بالقسا يقضـي النـوب وابعد عن المنزوع قل لا هـلا بـه |
رد: سعد بن جدلان مروركم شرف لي كل عــــــــام وانتم بخير وسعاده يارب |
رد: سود الليال أحرمتني ليـت الليالـي عنـك مابعدتنـي=يابو عيـون بالنظـر ساحراتـي ارتـاح لعيونـك ليـا قابلتـنـي=وأسرح بدنيا عيونـك الواسعاتـي بعيونـك جبـالٍ تقـل رافعتـنـي=تحتي نهر دجله ونهـر الفراتـي الأخ ابو فيصل مراقب بيت القصيد تسلم الأيادي على أضافة القصيدة الرائعه والجـــــــــــز لــــه.... صح السان الشاعر وصح بدنـــــــــــك تقبل مروري وخالص تقديري |
رد: محمد السديري رحمه الله سلايل من فوقها حـرب لحـروب اخوى الصقر الجارح هذى مرد معالى الامير محمد بن احمد السديري رحمه الله على الشاعر محمد العسيلي رحمه الله اشكرك على الاضافه الجميله تحياتي |
رد: سود الليال أحرمتني اخوى ابن مطيع مرورك شرف وثنائك وسام لاعدمتك تحياتي |
واللاش من عادتي ما آقف على بابـه من لا يجينـي مجيّـه مـا آتهقوابـه=عيب أني أزاور اللـي مـا يزاورنـي ومن لا حسبني تراني ما أحسب حسابه=مـا والله أقـدر اللـي مـا يقدرنـي واللاش من عادتي ما آقف على بابـه=ما احداً على رفقة الأنـذال جابرنـي أنصا الكفو والردي لي عنـه جنّابـه=تجارب الوقت مـن الأنـذال تنذرنـي نفسي عزيزة واعرف الطيب وابوابـه=وأختار الأصحاب وأفكـاري تخيرنـي واللي يخالـف مزاجـي مـا آتقدابـه=طبيعتـي والليالـي مــا تغيـرنـي أهل الوفـا للوفـاء والطيـب كسابـه=وألا الحشف طول عمره ما يجي برني ذا الوقت فيه الردى والطيب متشابـه=يا والي الكون من جور الزمن جرنـي أشوف بعض الثعالب صـارت ذيابـه=وتنافس الذيب لـو ملبوسهـا درنـي والذيب حـول وخلـى راس مرقابـه=شم الذبيلـة يقـول الوقـت غادرنـي مشاكـلاً جالهـا فـي القلـب بوابـه=بعض الليالـي تزعلنـي وتسهرنـي وأسبابهـا نـاس خداعـة وكـذابـه=يا فكـري اليـوم وردنـي وصدرنـي بعض الأوادم غدا في داخـل الغابـه=وإلى تنشدت ما أحداً عنـه يخبرنـي اسم بلا جسم مدري عنه وش صابـه=من صد عني فراقـه مـا يخسرنـي لو راح بأقصى الجزيرة ما درينا بـه=لا مستشيـره ولا أريـده يشاورنـي يا واسع العرف لا تبلش وتشقـا بـه=عقّب رفيقاً بتالـي الوقـت ينكرنـي لعلهـا سـاعـةً للخـيـر جـلابـه=لا صرت أنا خاسره واللاش خاسرنـي وأنا صديق الصديق ومصدر إعجابـه=واللي على غايتي يعـرف وخابرنـي لا من بدالـه لـزوم مـا بخلنـا بـه=وإليا تعـذرت عـذري مـا يعذرنـي .................. الشاعر / عايض بن فرزان السبيعي |
رد: واللاش من عادتي ما آقف على بابـه أنصا الكفو والردي لـي عنـه جنّابـه تجارب الوقت مـن الأنـذال تنذرنـي نفسي عزيزة واعرف الطيب وابوابـه وأختار الأصحاب وأفكـاري تخيرنـي كلام طيب وشعر جزل صح لسان الشاعر وتسلم ابن مطيع على النقل |
رد: سود الليال أحرمتني وبعيونك ازهار الربيـع أعجبتنـي فـي روضـةٍ وديانهـا سايلاتـي عفتـك تعذيبـي وبسمتـك فتنـي وزولك يخيل لي وأنا في صلاتـي ومحبتك وسـط المهالـك رمتنـي ويمكن تصير أنت السبب في وفاتي لائحة شعرية جميلة عبارات وتشبيهات وتسلسل كلمات عذبة تسقي القارئ عذب المعاني اختيار ك اخي غازي رائع رائع وصح لسان الشاعر |
رد: ليتك تعيش أخي غازي بن عجاب أهنيئ نفسي بماتحظى به من صدى كل ما تطرحه ولا سيما في هذا المجلس عند مرورك الكريم والاشادة التي تكتبها وانا افتخر بها وهي لي وسام لك مني أجزل الشكر والعرفان والتقدير المسطر بالورد والريحان |
رد: واللاش من عادتي ما آقف على بابـه اخوى ابن مطيع صح لسان الشاعر وسلم القلم وصاحب القلم على مانقل قصيده جزله أعجبت بها جداً تحيتي |
| الساعة الآن 03:11 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir