لشاعر



كل ديره تنتظر متى يعود


محمد بن صالح الثبيتي

المداين ... والمراكز ...والهجر

والمناحل والسواحل والحدود

والحدايق ..والسنابل ..والزهر

والمناهل والجداول والسدود

والمنابت.. والمرابع.. والدير

والنسايم والهبايب نود نود

تنتظر تاج المعالي والفخر

سيد من جود جوداته يجود

في غيابه كل يوم اصبح شهر

وفي انتظاره حب ابو خالد يزود

كفه اليمنى مثل موج البحر

وكفه اليسرى تبشر بالسعود

بالكرم والجود يشبه للمطر

وبالسياسه دايم يرقى سنود

سيدي سلطان بك زان الشعر

ياولي العهد يا وافي العهود

نجد مشتاقه واضناها السهر

تنتظر طلتك يافهد الفهود

ودامني سعودي اباإعلن وافتخر

السعودي يحق له يفخر وزود

السعودي غير عن كل البشر

موطنه اطهر ثرى فوق الوجود

موطن الإسلام من طول الدهر

وديرة الابطال ورجال الصمود

من بحر جده الى شرقي قطر

ومن شمال المملكة حتى ثمود

كل سكه وكل شارع ينتظر

وكل ديره تنتظر متى يعود

فرحه وصولك مثل عيد الفطر

ننثر الإفراح وعقود الورود

ويامطار القاعده طال الصبر

بلغونا لاقطعوا كرت الصعود

وياوكاله واس بثي اجمل خبر

بشرينا لاوصلوا فوق الحدود

وانشري ويا الخبر احلى صور

ياعسى الإفراح لبلادي تعود