الشاعر سعود بن دعيع الزغيبي يهدي هذه القصيدةلأمير قبيلة البدارين الشيخ \ نايف بن هاجد بن راجح البدراني
سميت بسم اللي عباده امصلين = تخاف من بطش النفوس وعذابها
اللي خلق آدم من الرمل والطين = جميع خلقه جابها واعتنابـــــــها
اللي فرض سورة تبارك وياسين = تقرابها شيبانها مع شبابها
ومن بعدها نويت اغني ابيتين = اشرح معانيها وافسر جوابها
ولاكل من عبر يصيب النياشين = الله واعلم في خطاها وصوابها
سيرت مسياراً لبلغة على الزين = يم الرجال اللي عزيز جنابها
انا امسير وخوياي امعزومين = عند الرواجح عز حيٍ اعتزابها
سلام يانايف سلام المحبين = عداد من زار الديار ومشابها
واعداد ماتنور زهور البساتين = واعداد ماهل المطر من سحابها
اقولها والله منول وهالحين = مافيه حي علومكم مادرابها
يامنقدين الكيف بين الحكيمين = كم دلة بالكيف عفتم شرابها
فريس وارجال على الضد قاسين= والين من الديباج لمن التجابها
احبهم عقب الشيوخ المسمين = عقب الرواجح للعدا يندعابها
شلف على قب سوات الشياهين = بيدين ربع مايعالج صوابها
قدام شرع الله وحكم السلاطين = قوم تجي للبل يطول غيابها
الله يعز اللي نصر راية الدين = وقضى على الفتنة وقفل ابوابها
ومر بشر ع الله وعدل الموازين = عاشت حصانيها وخاوت ذيابها
والعنصرة راحت وتطييرة العين = وديار عقب الخوف كلا رعابها
اللي مضى كلن يحد السكاكين = تلقى محازمها تصفط ثيابها
دنيا تصارعهم على العسر واللين= ومن الشقا دايم تواجف ركابها
نوبن فقيرينن ونوبن غنيين = تاخذ وتوخذ نوب يوخذ زهابها
لوما حضرنا سامعين العناوين = الاخذ والماخوذ كلن حكابها
وميه وخمس سنيين وحنا مخدومين = بامن وامان ولانطرد سرابها
وقمنا نتجاكر بالفلل والملايين = وكلن قنع بارزاقن الله جابها
ماهمنا لاذاك زين وذا شين = كلن رضي في قسمته وارتضابها
ودار اليقين وسار بقلوبنا الدين = وعفنا شقى الدنيا وقو اكترابها
اللي قبل عدوان صاروا محبين = في نعمة الاسلام زارت اصحابها
قالوا لنا سجوا لشقحن مزايين = شوفوا وصايفها وشوفوا ادابها
لاصدت القعده على يسار ويمين = جت هاربه كن المجوخ عدابها
يازين عفرن عند شيخ البدارين = يازين نظرة روسها وارقابها
مالقطوها بين بايع وشارين = اتلاد راعيها تعمد اضرابها
وشفنا فحلها يسام منه ابملايين = ولاهو بايع خايفن من خرابها
لله در اللي على الوضح شفقين = ماقيل خربها الفحل ياسفابها
لو أني املك مثلها بس ثنتين = مااقلد اللي معه مية حسابها
وانا غني ماقصدي اوفيبها الدين= مير استحب الزين واللي سعابها
عز الله أنا يابن راجح مقرين = أنتم هل الابل محتمين اعقابها
ابن رشيد اللي بغاها معيين = من دونها ربعن تفتل اشنابها
اليا اختلط عج الرمك والشياطين = ياكثر ماشقت عليهم ثيابها
وصلوا على خاتم جميع النبيين = اعداد ماخط الحروف وقرابها
منقوووووول