مجالس الفرده - قصيده للشاعرنا الكبير بدر بن سلمان الحويفي

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - قصيده للشاعرنا الكبير بدر بن سلمان الحويفي (http://www.alfredah.net/forum/threads/alfredah12701/)

قصيده للشاعرنا الكبير بدر بن سلمان الحويفي

قصيده للشاعرنا الكبير بدر بن سلمان الحويفي
شاعر الطير
وهو يقول فيها

ياهل الولع به علم ماهو مناجـاه***من شخص وجه للنشاما قـراره
ابيـات منـي للصقاقيـر مهـــــــداه***تعبير شاعـر واحتـرام وقـاره
وجهتهـا للـي يــــريـد المـــجـاراه ***يامرحبـا يقبـل وانـا بنتظـــاره
يالربع ياكثــــــــر الصقاقيـر كثـراه***لكن ماكــلـن يعـرف الصقـاره
خص اللذي لابرقع الطير سلقـاه***غشيم عرف ويدعـي بالشطـاره
الطير له ناسن تعرفـه وتـــــدراه***تدريبهــــــ� �م للطيـر فـن ومهـاره
واللي يصفر لاقنـص مانصحنـاه***ليته عن المقناص عـود لـداره
خل الولع للي مزاجـه وسيمـاه***قبل صلاه الصبح كد شـب نـاره
وليا انتبه قـوم خــــــويـه وقهـواه***وتغـــــانم المقنـاص بـاول نهـاره
وحافظ على وقت الفرايض وصلاه***وعقيدته هدي الرسـول مسـاره

وهذا رد الشاعر نايف ابو طفره على الشاعر بدر الحويفي

عـزاه ياحـال الصــــقاقيـر عــزاه***الوقـت غيـر يالحويفـي مسـاره
اللي يحـب الطيـر ماعـاد يبغـاه***نقله يابو سلمـان ذنـب وخسـاره
الصيد مامن صيـد ياويـــن تلقـاه***وحـده وجرتهـا عليهـا بـشـــــاره
راع الغنم يبلس على شان مخبـاه***ويعوض التاجـر رصيـد التجـاره
راح الولع ياطيب الصيـــت والجـاه***اقفت اضعونه مع زمـان اندثـاره
وانت تجامل غصب من دون مشهاه ***طبع بدويـن مارغـب بالحضـاره
قلبك غلا القرناس بالحـب يشعـاه***تقدير عاشـق مامشـى باحتقـاره
تبكي على وقتن مضالـك وتنعـاه***يومـك اطلـع للحبـاري بـقـاره
لاجيت قفرن ماحـدن يابـدر جـــــاه***تلقـى جرايرهـن تـدك الـزبـاره
واخذت عن وجه اللذي عارف اقصاه***جثل المناكب كاشفـن فـي غتـاره
افجح قصير الساق والمدح يزهـاه***ريش الظهر خالط حمـاره شقـاره
اليا سمر قامـت اعيونـك تحــــــلاه***وان طار ماغيره يشوقـك اطيـاره
يوم القنص يعشق وتحمـد مزايــاه***(مركبك فـوق ولاتحـب الغمـاره)
واليـــــوم مالـه مزتـن لـو تمنـــــــاه***لاعاد تبنـي يـوم غيـرك دمـاره

وسلامتكم