قلبـي اللـي صوبـه هاجـسٍ عبـر الأثيـر=يختفي ويعود يضرب على خـط أستـواه
ماقـدرت أقــواه وأفــز مـنـه ومستـذيـر=والحلول تقول تضرب على صم الصفـاه
لين جت شرد المعاني على كيفي تسيـر=أنتقـي مايطـرب البـال ويناسـب رضــاه
كـنـه الريـمـوت بيـديـن صـنـاعٍ خـبـيـر=أو كمـا مـهـرة عسـيـفٍ تلاعبـهـا فـتـاه
وفاأختيار المفردات أخذ السهـل اليسيـر=وأقطف من العذق وأشوم عن مافالوطاه
وأتخيـر مـن جزيـل المعانـي وأستخـيـر=وأبعـثـه لشـاعـر الـلـي رفـيـعٍ مسـتـواه
المحـيـا للنشـامـا عـلـى الـعـاده عسـيـر=أشهد أنـه عـز ربعـه وعـز اللـي نصـاه
وأشهد أنه مع هل الطيب في رتبة وزير=ومجلسـه دايـم مشـرع ويطـربـك بنـبـاه
من رجـالٍ ترفـع الـراس بالذكـر المنيـر=وجاههـم عـنـد القبـايـل يحـقـق مبتـغـاه
وذكرهم مقرون بالطيـب مايبغـى شويـر=من هل الطولات شمـر مطوعـة العصـاه
والله أنـي ياعلـي حالتـي مثـل الضـريـر=مثل منهو لامشـى ثالـث رجولـه عصـاه
سبـت اللـي داخـل الـذات لايمكـن يطيـر=مشغـلٍ بالـي وفكـري لـو أنـي فالـصـلاة
ومثلـكـم مايبتـلـش فالمـراسـل والمـديـر=عـارفٍ كـل المواضيـع والبيـر وغـطـاه
والزمـن مبهـم وحنـا علـى مبهـم نسيـر=كـل شـيٍ فـيـه مجـهـول مايلـحـق مــداه
مومنيـن فيـه والـوقـت طبـعـه يستـديـر=حـد سيـفٍ مرهـفٍ عـزتـي لـلـي وطــاه
الثعـل بـه عايـشِ ياعلـي مـثـل السفـيـر=ومن قساته فيه سرحـان مايلقـى عشـاه
في طرف دوامـةٍ مـن وقـع فيهـا خطيـر=مـن تلفـه يقضـي العـمـر ماحـصـل دواه
ينجبـر بيـن أختياريـن و أحلاهـم مريـر=ول ياوقتٍ علـى المستحـي يـدرج رحـاه