|
ديوان للشاعر ( بندر بن سرور ) .. السلام عليكم ورحمة الله وبركاته .. بدأت بخير تحية .. وأقدم لكم ديوان للشاعر (بندر بن سرور) الشاعر النبطي الغني عن التعريف أتمنى أن قدمت لكم مادة تستحق التقديم في هذا المنتدى الراقي.. ـــــــــــــــــــــــــ ــــــتفضلو ـ اتمنىــ لكم ـالمتعةـ والفائدة ـــــــــــــــــــــــــ ــــــــــــ الله من عين طرقها صواديف عميت ويبسن بالعروق الصخافي شفت الوزا بالعين من عرض ماشيف شفته وغيري من فطن له وشافي وقت تغير فيه حتى العواصيف جا في عواصيف الرياح أختلافي شره قناطير وخيره مقاطيف يفطن له اللي يرضع الديد غافي كم واحد جاله زمانه على الكيف واغترته نفسه يبا الجود وافي يطلع مطاليع العلا بالسواليف بين العذارى عد روحه سنافي يفرح بهرج بالقفى يكره الضيف قتات والقتات بالنار هافي يعلق قصيره علقة النار بالليف عي ولد عي زنوده ضعافي ان رخصت الحذوه توفي عن الحيف وان غليت الحذوه مشى اللاش حافي يرقد ويلحق والدينه تخاليف دايم ومرقد ميت النار دافي هو مادرى ان الجود يبغى تكاليف سهر الليالي مقبلات مقافي يبغى يدين للعطايا مغاريف ويبغى رجول ماتمل الوقافي والصبر بنحور السنين الشواحيف اللي قساها مثل حد الرهافي يقدر عليه اللي حكم نجد بالسيف واودع مباغيض القبايل ولافي عبد العزيز اللي يبث المصاريف يجدع قناطير الذهب بالفيافي يمشي على دربه جموع مراديف نو تحدر ماه والجو صافي يشدي لواقيط الزبيدي بعد ريف ومما كسى البيدا تفيد الضعافي (سر ياقلم) سر ياقلم مالي على الصبر طاقه صبري تعدى الحد ماعاد ينطاق أكتب لمثلي قصته واشتياقه في خطك الواضح على بيض الأوراق قصة حزين صافي الحر ذاقه انا بذكره ماصله خاطري ضاق باقو به الأصحاب والوقت باقه وصار الضحيه بين باير وبواق يمشي وهو ماحس في كسر ساقه امسى على ساقين واصبح على ساق مهذي سواة الوقت شين اصطفاقه الوقت لو يصفى لك ايام دراق لاشك يامن معك عقل ولباقه بنصحك كان انك للأمثال تشتاق صادق رجال يعرفون الصداقه يقفون صفك يوم يبسات الأرياق ومن يرغب فراقك فعجل فراقه جاز الذي يجزيك أفراق بفراق يقوله اللي جاير الوقت عاقه ولازال في غيبوبة الهم مافاق حظه على اقشر شي للنفس ساقه بقبور الاحياء ينتظر يوم الأطلاق (الشاور غشاني) من بلاد الشام جينا بالمكينه فوق فرت ماتخثع بالطماني يحتدي مثل الجمل تسمع رطينه مع طمان القاع مثل الثعلباني والشفير من المدارس مطلعينه عيدهي يجدعه جدع الحصاني قذلة الطربوش ناطلها يمينه عن ظلام الليل شب الكهرباني ماتجيه يسار رجله شوف عينه غير يسر الطاركي باليماني يوم قال له الخوي عاشت يمينه شد رجله للكمك واحد وثاني يالله انك تنصره من نصر دينه ان عطى له مع غبا والا بياني قلت يالمطنوخ انا عيني حزينه عن شراب اللف ابيه وعنك كاني قد رمى بالكيس قدمي قال وينه دوك مابالجيب عن شي لهاني يقصد الكبريت معي منه عينه قد منا تلت غراميل متاني قلت ثالث قال يالله لاتهينه قلت خامس قال قير يطلب نقل ثاني قالت واحد والكمك ظام المكينه قال لي من يرحم القاسي لياني قلت والله يرحمونه صانعينه قد زعلت من اللهيب اللي غشاني قال ماتاثق بذمه مقننينه عن مشاور غير عرفي قد كفاني قاطع عرقين مدري وين وينه قد وصلت الأرض واسمع صوت ثاني يوم يرفع موخره قو المكينه يرتخي صدره وانا الشاور غشاني قلت دوك اللف خابو شاربينه غطني عن شوف شي قد غشاني قال عن وقلت بأيا لحينه قال قل ناسي خوي مانساني قلت عاش الشيخ واللي ناجبينه عادة الطيب اليا جا الجد عاني (صدر وردوف) يابنت ياللي عمرها صدر وردوف بيض محاجرها وحلو نباها ودي بشوفك مير يوم اقصر الشوف عيني بعد هاك الرمد قل ماها سويت لي يابنت بالعين معروف بأسباب رجل بعدتها خطاها والا ترى قلبي ليا اصطك بالجوف اومى بحالي لين تابس عصاها ( لاتجربونه) ياهل الونيت اللي يبي مشتل البيب مادق صدره بالخطوط الغزيره يوم يتخثع مع محير الأداعيب يشدي تخثع جادل في حريره لاتجربونه مايبي الفرت تجريب قد جربه بالبيت الأبيض خبيره عدوه لابن حزام سيد اللواعيب لعاب زينات البيوت العسيره ثم قل لقاعد مانبي منه تدريب الوقت دربنا على كل سيره لو كل من قاد السبب يعلم الغيب ياما كرهت النفس من باب خيره ان قفت الأيام ماها مغاريب واليا اقبلت يازين صافي غديره قل له رميت الكيس بين الشواريب واليوم ادوج مالقيت اتعميره (لاتسقط شرفها) الله من شي بحالي نحفها من مالجى بالقلب حالي نحيفه من كثر ماتكتم تزايد تلفها بين كداها بالعروق الصخافي كم واحد له حاجة ماصرفها يصد عن صرافها لايضيقه يخاف لايقضب نديم طرفها قلبه صدى واطراف جسمه نظيفه والله خلق بيد الذلول وعسفها للي يبي المنهاج مثل القطيفه والفضل للي مدها ماقصفها وانهج من الدار المحل للمريفه وانصحك ياللي غرته ماعرفها شيب تشيب مايحول رديفه رديفها يركض ويركز هدفها وقت يقص العظم من حد سيفه وان جتبك الدنيا وجابك صدفها لاتعتزي بأهل النفوس الضعيفه وأنصحك نفسك لاتسقط شرفها ترى بعض بيض المجالس مجيفه (خبيث التجاره) لاوالله الا طولن بالوقوفي عيا يحملهن خبيث التجاره بفلوسنا ياعبيد ماش معروفي متى نجي ياعبيد مع خشم صاره ياركب من فوق صاف البلوفي مقعد امبير الزيت نيم الحراره فراق مابين القلوب الولوفي فرت كما وبل السحايب غباره (شيب الفلاحي) بديت ذكر اللي بسط سبع بوتاد واللي رفع سبع بليا عمدها والكار للي صار غيث للأجواد لاقبلها صارت ولا من بعدها زايد على كل العرب بالوفاء زاد ساق المراجل لين وقف عددها حلحيل حلو مر زراع حصاد كبد يداويها وكبد لهدها ولي عجوز من ورى شط بغداد سمت على شيب الفلاحي ولدها تبغاه يطلع مثل زايد ولا فاد ماكل من هاز الطويله صعدها ياشيخ انا جيتك على غير ميعاد من خوف روحي لايجيها وعدها (صنايع يهود) الا يانديبي فوق دوج عليه شراع ماقال انفخ التشريق جاء في مواصيره ليا هبت العليا وقام العجاج وراع يهيظك مع السكه تزاوغ معاصيره صنايع يهود لايبدل ولا ينباع يقربك من دار ويبعدك عن ديره بعد ماطلعوه مشيك مايبي المرجاع سمع من وراه الفوج غنت مواطيره ليا دق سلفه قام صوته يرج القاع ماجاه المعاون يشتغل في مساميره عطاه اثنين وداس بلأبنص وفاع رزيمه رعد مزن تهلع دناقيره خرط له بثالث عقب نشه بعزم وزاع شتله برابع مايضيع تغاييره ليا شال عزمه ريحه آمن مارتاع مسك مع يمين الخط ويلد لأنبيره نص جو سمنه مايبطنج مع الأرواع منصيه شيخ ماتبطل جزازيره على سلم جده مايشاور ضعيف الناع يدلك بفعله كاثرات دواويره (حج الجمل) انا ليامني نويت افتل البيت فتلت والشعار ما ينقضونه بينت راسي للمغني وغنيت وين انت ياللي مرمسات ديونه حج الجمل ياهل المثايل وحجيت والناس راس العبد مايقطعونه دوك السويتش وشغل الفرت يابخيت وارد حفيز وكاملات فنونه (عجل على المسجد) ياكثر يافيحان صبر صبرناه امس الشهر عديت باقي اسبوعه لاتغبط اللي صار زوده بدنياه يتبع هوى نفسه وغير طبوعه مخطي طريق الحق غاد بعمياه يجمع وصخ مال زوال نفوعه اغبط تقي صار زوده بتقواه عبد لصوت العبد يرخي سموعه يفرح بصوت منادي الحق ناداه عجل على المسجد بطيْ ركوعه والا ترى الدنيا حدود مسماه لابد مايقفي وتقفي زروعه (رجتني الأيام) ياسخيف الذرعان ماني بمرجوج رجتني الدنيا بغدر وحيله يابنت لولا اللي على تاسع الفوج تركت نجد وعزوة بالقبيله لاشك حاديني على نجد هيدوج مسقي الفيافي لين يدرج مسيله تركي ليامن الليالي غدن عوج حمله عتيبه كلها ماتشيله يرسي كما مينا البواخر على الموج ومنين ماصك البحر يرتكيله مادام تركي حي ماودي ادوج وان غاب غبت من الرجوم الطويله (انحاس بالي) انحاس بالي يامحمد وصديت من كثر الصدات قلت شطونه ماني وانا بندر بهيت ولد هيت هيت يجامل خمة يكرهونه من كثر ماجربت واقبلت واقفيت قولة هلا لمن لايودك مهونه سلط على النصراني اللي لقا الزيت لعل نبع الزيت يعمي عيونه لاشك تحتاج المراجل شفاليت تحتاج شي يقصر النذل دونه عزم على الفرجه وقطع الخلا الميت حتى عيال البوم مايقطعونه ثلاث*من كل المعاني تنقيت واللي بقى كل الملا يقدرونه مابغى جزاهن غير من خالق البيت عمالهن للناس ماينفعونه (دوك الفرت) يامنير دوك الفرت واخذ الفواتير وافحص عليه ودخله بالقراجي اللي يبي بنزين ركب مواصير واللي تبيه النار ركب بواجي واليا ستعد وصخر البعد تصخير تصخير شيهان لفرخ الزراجي حده على اللي مايعد المخاسير ركاز عمدان الخشب للنعاجي ثم قل لبو بندر ترى وقتنا غير تبدلت سحب المطر بالعجاجي قومه عتيبه شيوخهم مابهم خير لايدعي بشيوخ شيوخ الخراجي نبكي سيوف سمرت نجد تسمير تسمير عود الساج في عود باجي حدن محمد ابن هادي ورى النير والفرم محسن عقبنه سواجي ربع رسو بين الحفيفين يامنير ماسلمو لمدور الباج باجي رحنا ندوج ونتسمى مناصير نمشي على البيدا بليا مزاجي متى يجي في نجد بعض التغايير حتى يجي للصابرين انفراجي (تم ادخال بيت ليس من القصيده وهو: ياناس خلوني على الأرض لاطير لين اضبط البراد وآكل علاجي لكي يظهر بندر وهو ليس في حالته الطبيعيه عندما قال هذه القصيده.. (بالسلك يندار) يامنير عمر لي من التتن معمار يبري الغليل اللي على القلب كالي ولا رفعت الصوت وابديت ماصار من شان تدري ويش ولا بحالي مكفاك مني سجتي بعض الأمرار انهج جنوب وحاجتي بالشمالي اركض مع الدنيا كما ركض دوار ياما كسب زندي وياما غدى لي الله على اللي عايروها بالامتار طراز بنج شغلت بالعدالي زادو هواها واطعموها من النار حتى امبير المنجضع عد صالي نشت سما ماجربوها مع القار طارت مطير الطير ربع الكحالي تلفي على اللي في طرف هجر سنجار يشدي جبل سنجار بين الجبالي باطراف بيته للمواجيب شنكار معلاق كبش عند راعيه غالي ثم قل لبو بندر ترى الوقت دوار يفطن تراني منفعه لو شكا لي ان زان وقته صار بالسلك يندار وان شان قص مروبعات الحبالي كم واحد بين العماهيج هذار مغترته نفسه بكبر الضلالي يبلس على ربعه ويدنع بالأسوار ويعد نفسه من حساب الرجالي كفه بخيل وقلبه انجس من الفار اسود طرف وادغم من السرمدالي هذاك بعده خير ماكنت بختار اجزاه بالصدات وابعد مجالي ابعد مجال الرجل عن كل هذار واصبر على الصكات والعمر بالي وليا وطني غبر الأيام بأزوار غيري جماعه ماوطني لحالي شفت الوزا واشتلت لي منه قنطار وان جيت اعدله شرق للغرب مالي عبر على الدنيا من العسر لايسار ماظنتي فيها حرام وحلالي حرام للفنجال سوقه ليا فار الا على اللي يرخصون الريالي وانا اللذي ماقول في نجد شعار وان كان به شعار محد حكى لي (ذباحة التيس) ياعنك ماتغنيك ذباحة التيس ربع السعد مادام حملك خفيفي واخير من هاك الوجيه المفاليس البعد عن معروفهم لو تضيقي يلحقك منهم بعض الأيام تنجيس تاطا النجس لو كان ثوبك نظيفي (يامشتري حظ) يامشتري حظ جزى منه راعيه ياسايم حظي تراني سموحي ارخص عليك البيع ماني بمغليه واشرط عليك انه سدوح لدوحي هذه قصيدة قالتها ام بندربن سروربعد وفاته ( الضلع القصير) طويت حبل الياس يابدر دونه وجاني عليه من الأذى ماكفاني في الليل جسمي مقلقاته همومه والعين تسهر ماتذوق المنامي عليه روحي يابسات شنونه وحره على الضلع القصير كواني امشي وقلبي يابسات غصونه ومني صناديق الضماير حطامي بلا مرض حالي تقول مهيومه والكبد صامت عن لذيذ الطعامي اللي عليه القبر ركزت وسومه ولاعاد يمحى وسم حزنه دوامي يابدر متى الوسم تدخل حتونه من نو مزن مانشا بالغمامي ابيه يزي القبر ماء مزونه يزيه ربان السحاب الهشامي (وأسمحو لنا أذا فيه أخطاء أملائيه) * للأمانة تم نسخ هذه القصائد من قرص مضغوط له في مجال الشعر جانب. تحياتي لكم والسلام خير ختام.. |
رد: ديوان للشاعر ( بندر بن سرور ) .. مشكور على الديوان |
رد: ديوان للشاعر ( بندر بن سرور ) .. سلمت يمناك ودمتم سالمين |
رد: ديوان للشاعر ( بندر بن سرور ) .. الله يسلم عمرك وقلبك وبدنك 000 الف تحيه للمبدع بندر الحطاب من ولد راشد احمد العود |
رد: ديوان للشاعر ( بندر بن سرور ) .. الله يعطيك العافيه ولاهنت |
رد: ديوان للشاعر ( بندر بن سرور ) .. شكرا بندر ويعطيك الف عافية على الديوان |
رد: ديوان للشاعر ( بندر بن سرور ) .. شكرا عزيزي بندر والله لايهينك ولك شكري |
رد: ديوان للشاعر ( بندر بن سرور ) .. بندر الف تحية على المجهود وعد على موضوعك للتنسيق |
رد: ديوان للشاعر ( بندر بن سرور ) .. مشكوووور على الديوان |
رد: ديوان للشاعر ( بندر بن سرور ) .. شكرا على الديوان ديوان أبن ســـــــــــرور |
رد: ديوان للشاعر ( بندر بن سرور ) .. اقتباس:
|
رد: ديوان للشاعر ( بندر بن سرور ) .. مع الشكر للأخ القدير / بندر الحطاب أضيف على الموضوع التالي ، لتكملة الحديث حول هذا العلم ، بندر بن سرور : تحياتي اليكم احبابي واهديكم نبذة عن الشاعر المرحوم بندر بن سرور/غني عن التعريف واتمنى تنال اعجابكم. ليش أسطوري لأنه في الواقع،ملأالدنيا وشغل الناس.واختلف الناس حوله اختلافا كبيرا. وتناقلوا عنه الروايات الكثيرة،فيما يتعلق بموته وحياته وميلاده ودارسته وتعليمه. فلكل شخص رواية،ولكل عنه انطباع. مابي أطول عليكم،لأني مهما تكلمت عن بندر فلن أوفيه حقه،بل سأترك شعره يتلك نيابة عنه. فمن هو بندر بن سرور. هو بندر بن سرور بن حضير القسامي العتيبي. من مواليد القرارة احدى توابع منطقة الدوادمي ولد في عام الف وثلامية وستين هجري،فــــي سنة عرفت بربيع ربلان نترك بندر يصف نفسه بنفسه.يقول: ماني وانا بندر براع ولد راع انا الحصان اللي طوال حباله ابن سلايل خير من شالت القاع المصطفى الهادي وديع الرسالة ... ماني وانا بندر بيباع دمه يقطعك يايباع دمه ومهفيه اللي يبيع لابسات الأزمه ثورن بي يبض العما هيج تغنيه ... ماني وانا بندر بهيس ولد هيس هيس يدنع عند حرمة قصيره ليا بغيت احلس ترى لي مجاليس وليا بغيت انهج دروبلي عسيرة ... ماني وانا بندر بهيت ولد هيت هيت مقابل خمة يكرهونه من كثر ماجربت وأقبلت وأقفيت قولة هلا من لايودك مهونة ... ماني وانا بندر على درب الأنجاس اللي قريب تفلها من لحاها انا بدرب الصيرمي عدم الأجناس زيزوم روق ليا تنصت عداها ... ماني وانا بندر بنصاي جابان شوخ الجموس مناقرين الحليلة ليا صار لي لأزم نصيت ابو فيحان شيخ الشيوخ مكملين الجميلة ... عاش بندر رحمه الله طفولة فيها من القسوة الشيء الكثير. فبعد وفاة والده تزوجت والدته رجلا اخر وانتقلت للعيش معه انتقل بندر للعيش مع لمه وزوجها في رواية،وجلس عند عمه اخو ابوه في رواية اخرى ولكنها ـ على كل حال ـ حياة افتقدت لحنان الاب واحتوت على ماتحتوي عليه حياة الباديةعادة من قسوة وترحال خلف الماء والكلأ لكن هذا لم يمنع بندر من قول الشعر ولم يمنع الموهبة الشعرية من التفجرابدعا على شفاة هذا الاسطورة: صوتي وانا بندر طويل ليا بان ان ماخشيت الرب ويش اختشي له ماينرمي قولن على غير نيشان ومن لايثبت حجته ويش هي لـــه ... درس يندر الابتدائية ةقالوا انع اخد المتوسطة ثم بدا بالبحث عن وظيفة ولقى وظيفة في الجيش السعودي وتوظف فيها وأرسلوه للكويت على ايام حصار عبدالكريم قاسم لها وتدرج في الرتب لين وصل لرتبة رقيب في الجيش الكويتي وقد أثرت هذه المرحلة العملية حياة بندر بن سرور الشاعر وبندر بن سرور الأنسان استفاد من احتكاته بالاجانب هناك وعرف شوي انقليزي ولعنا سنلاحظ بعض الكلمات الاجنبيه في شعره وحتى بعض الكلمات المستخدمة في الكويت وسنشير لها في موضعها. يقول بندر في قصيدة لأ دائنيه: الدين واجد والوظايف تعيسة والعسكرية خلت الراس شايب ... ولكن هذا الدين والشيب اللي بالرس من العسكرية مانعه لايقول هالقصيدة اللي تعبر من احدى قصائد الاعتزاز بالنفس والحكمة اللي نبي نفردلها بحث كامل ... انا الذي ماابدي على الناس سري من خوف سودان الوجيه تحكي به أصبر على ظيم الدهر والتعري من شان من يرضى علي الغليبة وابعد جالى عن عيال التزري من لاهوى قلبي دواه المغيبة واخاف لي من مجلس مايذري في جانبه بوم حساسه صليبه وسوالف مابين بحث وتحريد يجرح فؤادي عيه وابتلي به يرضيني المقسوم خيري وشري سبحان من لاتعلم النس غيبه أحد على ربعه يحب التحري للشربلاس وخيره بجيبه هذاك يالربع انا منه متبري لو عضني ناب الدهر ماا نتخي به من خوف يضحك لي وهو يستغري يفتل حبال السو مايندري به يفرح علي بكل شي يمري وان شاف يمي خير عني نهيبه.. وئف تــ ئهو: قم سو فنجال ترى الشاي لبتون والما الشريعة والهوى مستهدي من الشوارد في شعره رحمه الله هو تكرار كلمة معينة او جملة معينه في العديد من ابياته الشعرية متفاوتة بين المدح والفخر والنصح والدعاء والغزل مثل مامر معنا أول لابيات جملة ماني وانا بندر تكررت في ست قصائد ومثلها العديد من القصائد والمقاطع اللي نبي نعرض لبعضها بأختصار. مقطع الله من عين تكرر في بداية ثلاث قصايد: الله من عين ليا عسعس الليل عافت لذي1 النوم ماتهتني به ياوين ابي القى من يحب التعاليل يبدي بزين القول والا ابتدي به الله من عين تزايد صلفها بين كداها بالعروق الصخيفة كم واحد له حاجة ماصرفها لا يظيفه .. الله من عين طرقها صواديف عميت ويبسن العروق الصخافي شفت الوزابالعين من عرض ماشيف شفته وغيري مافطن له وشافي..أما مقطع , يامل قلبن في بداية قصيديتين الأولى في الحكمة والثانيه في الغزل يامل قلبن كل ما مات همه دارت دواليب الدهر لين تحييه فراق شمل النس عيا يلمه وقت يشيب الراس من شلية فيه .. يامل قلبن تله الود تلي تل الرشأ من فوق ملحا جلاله في غربها تسعين فري ومشلي تجفل ليات سمعت ظريس المحالة من واحدن طرق عليه يهلي لحق بواق القلب مع ماجرى له .. واماانا اللذي شفت الوزاغ. تكرر كثيرا وأشهر المقاطع كانت في الحكمة: انا اللذذ شفت الوزا ياسماعيل طاوعت نفسي لين شفت الغليبة النفس طير والخطايا محابيل والناس روااي الحديث تحكي به .. وانا الذي شفت الوزا ياسلسمان برد الشتا والقيظ اكلني لهيبه مانيب اهين النفس لو كانت جيعان مايدنع الا الكلب عقب انزي به .. ولعل من اشهرالجمل هي يا سهيف الذرعان اللي مع ماني وانا بندر تكرر وبشكل أوضح من غيرها .. يقول بندر في سهيف الذرعان متغزلا و واصفا فرته: .. ياسهيف الذرعان انا نك مخطور مثلي ومثل اللي غدى له بديرة فرت مخيف وحده الحمل والجور زاع أسود الماء لـين ولع انبيره .. سهيف الذرعان متغزلا فيه وواصفا طيره. .. ياسهيف الذرعان زين الدلالي قلبي تغير ماسمعتي صريره صرير فرخ حده اقطم كحالي طقه مقافي ريش واخلف مطيره .. ياسهيف الذرعان ويلك من العار حتى أيش لولعنت ماني بملعون يستاهل اللعنات ثار ولد ثار اللي ليا جا باخر الوقت ممهون .. ياسهيف الذرعان مافي وسوا ــس لي حاجة بالعرش وأسعى وراها اسجد لقادرها على غفلة الناس أساله الجنة ونكمل عطاها .. ياسهيف الذرعان مانيب مرجوج رجتي الايام غدر وحيلة يابنت لولا الذي على تاسع الفوج لانرك نجد وعزوة بالقبيلة .. ياسهيف الذرعان لو قلت لاباس مانيب من يجري الخيبث بور يده كم فرجة من خوفها الراي ينحاس على البوم عسر مديده .. والابيات هذي قصة سنتطرق اليها ان كان المقصد منشئها. والكلام عن سهيف الذرعان يقودنا الى شعر بندر بن سرور الغزالي اللي يتضمن بعض الاشارات الى الفرت والوانيت الليأطنهم من متلازمات القصيدة لدى بندر بن سرور كما كان الشعراء القدامى يبدأون قصائدهم بوصف مركوبهم من جمال أو خيوال فان بندر قد ابدع في هذا السياق. ذكر بندر بن سرور رحمه الله في شعره الكثير من الأسماء لإـ مت منيرة ـ و سارةـ الى ميثا وحصة فهل شاعرنا حب كل هذولي؟ وهو اللي تزوج مرة واحدة وفشل زواجه أم الاسامي هذي تمويه لتغطي على الاسم الحقيقي كما هي عادة الشعراء ان كان ابو نورة قال لعيون سارة تشرق الشمس وتغيب فــبندر قال فيها عز الله اني عن هوى البيض تايب لكن ردتي على القول سارة لاواهني من لاطرت له عاجيب وعيونها اللي للمهاوين اشارة .. أما منيرة قال فيها: ياراكبين أكوار شيبن محاقيب اللي عليهنه من البعد غيره ضد السلاح وضد كل المناصيب ودوا اسلامي فوقهنه منيرة .. وضيحة لها حقها بعد : عز الله اني جزت عن كل مااقول لاشك ردتني على القول ضيحة ياشيخة الخفرات من زين ودلول من مات من سبتك ربه يبيحه .. واذا كان محمد عبده جا ببنت لنور فان بندر بن سرور سبقه بأمها يابنت ياللي صوتوا لك بام النور نادوك ياام النور واسمك منيرة لولا الجديل اللي على المتن منثور والا لريم الصيد صرتي خشيرة .. وبرضة منيرة: اخذ القلم واكتب يمين وشمالي ثم أطول التاريخ واكتب منيرة واكتب ترى بالشرق مابه رجالي الا الحسد ومغامزن بالقصيرة .. حصة: على شان حصة جعل يسقيهم الو بال ليا عودت مالي ومال الحبردية.. ميثا والغرابي: ياليتني سريت يم الغرابي من شأن ميثا شوفها رحمة لي ابو جديل ماشطة بالخضابي زوده على احد الردوف متدلي والعين عين اللي يويق الهضابي حر على كل الحرار متعلي والخد بارق مستهل السحاي وكلامه أحلى من حليب المتلي .. يازينه: يازين فنجال على نومة الناس زرع اليمن واللي مسويه عيده يبري العماس اللي فضى خوتة الراس روابع يقفي ويقبل بريده. . اما في هالبيت الغزلي يلا حط الشاعر في بيئته ويبدو انه قاله يوم كان بالكويت ثاني اعدادي: يابجاد لو صادفت ورع صدفناه على طلوع صفوف ثاني اعدادي ابو جديل يوم تدلج زواياه سباح غبات مع الموج غادي يمكن يصبون الذهب من شفاياه والابخده يزرعون الزبادي .. هذي اللي اعجبته ولا يعرفها: يابنت ياللي عينها عين شيهان حر قطامي فعوله عطيبه والقرن ذيل اللي تشعشع للاكوان بنت الاصيل اللي طويل سيببه والردفيطوي الثوب والعود ريان والخد بارق مزنة مستجيبة أسايلك بالله خلاق الانسان الله عليتس انتي من انتي عتيبة؟ .. يابنت ياللي عمرها صدر وردوف يبض محاجرها وحلو نباها ودي بشوفك مير يوم اقصر الشوف عيني بعد هاك الرمد قل ماها .. الفزعة: ياعلي صوت بالقلم واشعل الليت فرع لقلبا كاثرات شطونه أما بالنسبة للسيارات في شعر بندر رحمه الله فانه قد وصف في الفرت مالم يصفه غيره في مناسبات عديدة وفي ابيات متنوعة نترككم مع بندر ومعشوقته الفــــرت... من فوق فرت يوم يرخي المتوني جوال القطا اللي واردن عقب مرواس من مارده ياعيبت شابت عيوني ومن مصدره ياعبيد شاب أسود الراس من قصائده .،،،، الايانديبي فوق دوج عليه شراع**ماقال انفخ التشريق جافي مواصيره لياهبت العلياوقام العجاج وراع ** يهيضك مع السكه تثاوع معاصيره صنايع يهود لايبدل ولا ينباع ** يقربلك من دار ويقلعك من ديره بعد طلعوه مشيك مايبا المرجاع **سمع من وراه الدوج رميه مواطيره ليادق سلفه قام حسه يرج القاع ** ماجاه المعازن يشتغل في مساميره عطاه الثنين زوادله بالابنص وزاع**رزيمه رعد مزن تهلع دناقيره خرط له بثالث عقب نشع بعزم وزاع**شتله برابع مايضيع تغاييره ليا شال عزمه ريحه وامن مارتاع ** مسك مع يمين الخط ويلد لميبره نصا جو سمره مايبطنج مع الارواع**منصبه شيخ ماتوقف جزازيره علي سلم جده مايشاور رضعيف الناع ** ندلك فعوله كاثرات دواويره هذا ماستطعت نقله اليكم يامن تحبون بندر بن سرور منقوووووووووووووووووووووو وووووووووول |
رد: ديوان للشاعر ( بندر بن سرور ) .. صح لسان الشـــاعر ومشكور على النقــــــل |
| الساعة الآن 08:53 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir