يامنـيـر ماعيـنـت لــي راعــي الـجـيـب = الـلــي غـطــى كـــل الـمـواتـر عـسـامـه
ينـزل بـه السـواق مــن ضـلـع لشعـيـب = ومعـيـمـنـه يـجـلــس ظــبــي الـعــدامــه
عين أشقر ُ لاأهوى عطيب المضاريـب = والـخـدبــراقٍ كــشــف فـــــي غـمــامــه
عـرض علـي يامنـيـر سـيـد الرعابـيـب = وطــار الـهـوى عــن خـدهــا باللـثـامـه
وأخذت لـي ساعـه وانـا أفيـق وأغيـب = والـجـســم عــيــت لاتـقــلــه إعـظــامــه
وركضت خلفه ركض من ضيـع ذهيـب = راعـــي وخـايــف يضـربـونـه عـمـامـه
تالـي عشـي والشمـس ياقربهـا إتغيـب = والـلـيــل مــنّــه قــــام يــدنــي ظــلامــه
أقـــــل مـابـيـجـيـه قــضـــب الـتـلابـيــب = لـعـيـون مـلـحـاً مـــن خـيــار الجـهـامـه
مـجـرد مـثـل قـربـت للـوصـف تـقـريـب = لـشــيٍ حـصــل مـاأظــن فـيـهـا مـلامــه
لـلـي عـلـى الفكـسـار غـــرب بتجـنـيـب = مـن روضــة التنـهـاه صــوب اليمـامـه
مــدري مــن الأجـنـاب والا الأصاحـيـب = بـــس الـوكــاد إنـــه زعـيــم الـوسـامـه
ولاأدري متى جرحي من أسبابه يطيب = لامـكــســبٍ نـلــتــه ولامـــــن ســـلامـــه