يا خادم البيتين لك منا مواثيق وعهود=نمشي بدرب أجدادنا ما يختلف منوالها
يا الحاكم اللي كل ما زادت به الدنيا يزود=حب ووفا للديرة اللي نستظل ظلالها
وحنا قبايل (حرب) عدوان النصارى واليهود=ما ننشد أهل المعركة عن عرضها وأطوالها
تامر علينا كلنا وحنا تحت أمرك جنود=لله .. ثم للديرة اللي ما نسينا أفضالها
والله ما تلقى بيننا يا سيّدي رجلٍ شرود=حنا الشجاعة شاربين باللقا فنجالها
واليا اختلط بالجوع عج وصارت الأيام سود=(حنا لها) يا سيدي (حنا لها) (حنا لها)
وكثر الكلام الناس قالوا قبلنا ما فيه فود =واللّي يبرهن صحة أقوال الرجال أفعالها