هذه القصيدة لشاعر فريدي من يعرفه ؟؟؟
 

هذه ابيات سمعتها وهي لشاعر فريدي والقصيده طويلة
ارجو من يعرف شاعرها وباقي القصيدة ان يتحفنا بها ،،،،،،

وإن كان ماهو على السنّه مجامعني *** يـرد بـاقـي حيـاتـي خـابـت يديـنـه
البعد عن شوفتـه والصبـر يقنعنـي *** لانسمع أسمـه ولانـدري عنـه وينـه
مادام هو مايبيني وش جرى يعنـي*** الـورد لاصـار دونـه شـوك ياشينـه

رد: هذه القصيدة لشاعر فريدي من يعرفه ؟؟؟
 

الله يعطيك العافيه منصور الوسوس على الموضوع والبحث عن قصائد ربعك


هذي قصيده قديمه للشاعر / نواف بن هلال بن عوض ابن نومان الفريدي ,,,

وان شاء يكون له ديوان هنا

والقصيده تقول


يـاقـلبي المبتلي هــوّن وطـاوعني ==== والـنـوم يـالـعـيـن بـالله لاتـعـافـيـنـه

مع ضيقة الصدر هم القلب يـردعـنـي ==== وأنتي بسهرك وتـعـذيـبك تزيديـنـه

انــا أدري ان الــبـلا غــروً مــولـعـنـي ==== حـبـه بـقـلبي تمـتـع مـع شرايـيـنـه

الـيـا تـخـيلت زولـه قـلـت يـسمـعـنـي ==== وإلـيـا تـخـيـلت زيـنـه قــلت يـازيـنـه

أسمه ورسمه علـى حـبه يشجـعـنـي ==== وتسوي مـلايين شوفة عيني لعينه

إن صـار مـلـكي يـداويني ويـنـفـعـنـي ==== خـلـوه فـي سـنـة الله لي مربـيـنـه

والله لـو ارص جسمـه لـو تـقـطـعـنـي ==== إني فلا اكف عن ضمه وتـحـضـيـنـه

ريـقـه يرد الضـمـا عـنـي ويشـبـعـنـي ==== مثل العسل يوم اذوقه من شفاتينه

وإن كان ماهو على السنه مجامعني ==== يـرد بـاقـي حيـاتــي خـابـت يـديــنـه

الـبعـد عـن شـوفـتـه والصـبر يقنعني ==== لانسمع اسمـه ولانـدري عـنـه ويـنـه

مادام هو مايبيني وش جرى يـعـنـي ==== الـورد لاصـار دونـه شـوك يـاشـيـنـه




وســـلامـتـكـمـ

رد: هذه القصيدة لشاعر فريدي من يعرفه ؟؟؟
 

منصور الوسوس
حياك ويسعد مساك
لاتطول الغيبه ترى مانسامحك
دوبي كنت اسئل عليك ابوعزام
وانت من اللي اذا غاب ينفقد ولا يهونون باقي الربع...

رد: هذه القصيدة لشاعر فريدي من يعرفه ؟؟؟
 

بقايا انسان مراقبنا العزيز
الف شكر وشكر ماتوفيك قدرك على سرعة الاستجابة
وعلى القصيده الرائعة اللي اوردتها لشاعر نواف ابن نومان
وصح لسان الشاعر وبانتظار ديوانه ان شاء الله هنا
ولا تطول به علينا ...

رد: هذه القصيدة لشاعر فريدي من يعرفه ؟؟؟
 

مع التحيه للاداري منصور الوسوس 000

مع التحيه للاخ بقايا انسان 000

هكذا يجب ان تكون المشاركات حتي يصير منتدانا عباره عن مرجع لمن يبحث عن معلومه او اسم او قص يخص القبيلة 000

ودام عزكم عيال راشد تحت ظل راية التوحيد

رد: هذه القصيدة لشاعر فريدي من يعرفه ؟؟؟
 

بـــقـــايــا أنـــســـان
مشكور على هالمعلومة المكتملة الرائعة جدا
كماهي اطلالتك البهية على صفحات منتدانا الاغر

معلا العنيزان
يحز في نفسي غيابي وايعلم الله انني لا اريد ان اغيب
ولكن قد يكون لي عذر عند الكرماء امثالك فاعتذر ثم اعتذر ع
ن الغياب الغير متعمد والعذر عن كرام القوم محمودُ أشكرك
على الاهتمام بالمقصرين امثالي
همسه في اذنك اخي معلا
(( ابداعك واضح وبصماتك جلية على منتدانا الجميل بوجودك
من الاعماق اشكرك ثم اشكرك واشد على يدك لأقول لك
استمر في ابداعك وعين الله ترعاك )))

ذيبان
اديبنا الرائع اشكرك على اطرائك
ومرورك الكريم

رد: هذه القصيدة لشاعر فريدي من يعرفه ؟؟؟