في عام الفين والتسعه غزونا ياعرب صهيون= غزونا ياعرب صهيون في دار العرب غزه
ضرر شامل على دار العرب والناس مايدرون = نذوق الموت من ناسٍ تشيل انفوس مهتزه
غزونا بالسلاح الفاتك اللي فالهوى مشحون=وفوق الارض دبابه من التسليح مرتكزه
نشوف الطفل يقتل والاهالي للولد يبكون =نشوف الطفل يبكي من هموم الوقت في عزه
طفل توه صغير ماعرف ويش العدو يبغون =ماهو حقٍ يموت الوقت ماكمل به الحزه
شيوخ اكبار من شان الطفل وسط البلد ينعون=وارامل تعتلي صرخاتها والنفس مبتزه
يبون اسناد ياشعب العرب واضنكم توحون=يبون النصر والنجده يبون الفزه الفزه
يبون الفزه اللي تترك العاقل عليه اجنون=جهادٍ في سبيل الله بلاش الكشخ والرزه
لو انا بالتكاتف نتحد صفٍ على قانون=شريعة ربنا المعبود اتصير النفس معتزه
عليكم باتحاد الصف نهزمهم بني صهيون= نخلي راية التوحيد فوق القدس مرتزه

يبون الفزه اللي تترك العاقل عليـه اجنـون=جهادٍ في سبيل الله بـلاش الكشـخ والـرزه
لو انا بالتكاتف نتحـد صـفٍ علـى قانـون=شريعة ربنا المعبود اتصير النفـس معتـزه
عليكم باتحاد الصف نهزمهم بنـي صهيـون=نخلي راية التوحيـد فـوق القـدس مرتـزه