|
(((((ماهمني الا راتبي ذا الشهر طار)))) معاناة مواطن قصيدة رائعة صح الله لسان راعيها (((((ماهمني الا راتبي ذا الشهر طار))))
مانـي متابع للسيـاسة والأخبــار=ولا همـني أوباما ولافوز ماكـــيـن ولا همني وش قال حسني وبشار=وما همني لو زادوا الهند والصين وما همني لو سوق الأموال منهار=وماهمني لو كان خسروا ملايـين ماهمني الا راتبي ذا الشهر طــار=كله صرفته يوم خمسة وعشرين بعثرت مدخولي على يمين ويسـار=وقعدت وعيالـي نصفّـق بـكفــين 1300 عـلـى طـــول فــ إيــجــــار=و400 مصروف جوال في زين و 1150 في شــركـــة إعـــمــار=قرض ٍ أخذته وشفطـوه الشياطين و1100 تجديد وأتعـاب سـمــسار=عندي استمارة مطوفة حول عامين و400 فــاتــورة المــاء والأنـوار=حـتـى ولـو كـنّـا للأنــوار مـطـفـيـن وأمــا 800 بـســوي بها الــكــار=سـيارة ٍ جـربـا ثــلاث وثــمـانـيــن لا شـمـة الراتـب يجـيها كـما الزار=تنـفض مكيـنتها كما نـفض بوكليـــن وام العيال تـصـيح يا زوجي البار=هذا الشهر عندي في القصر عرسين احتاج انا فستان من عشرة امتـار=وأفصـله يا فـالح الـراي بـألفــــيـــن وأخر مئة بتروح في جيب كومار=الحارس الهندي عسى فـاله الشـيـن ويقـول ما تـكفـيـه للفـلفـل الحــار=زعلان يبغى فوقها زود خـمســـيــن وزادت معانـاتـي مع زود الأسـعار=أصبح مثل ما قيل طاق ٍ بطاقـيــــن أزمة مسـويها مــداهن وتــجـــــار=وراحوا ضحيتها الضعوف المساكين منـحاش من نـار ٍ وطـبيـت في نار=ويا ويل حـظ اللي وقــع بيـن نـاريـن وإن الجمل صابر على الضيم صبّار=وان طاح تكثر في جنوبه سكاكـين أبديت ما في الصدر من هم واسرار=بأقولها واخلي الخافي يــبـيــــن يا شيوخنا لا لا تغضون الأبصار=صار المواطن يشكي العسر والدين وانتم به ادرى ياطويلين الأعمار=بالله عليكم شوفوا الوضع بالعين |
رد: (((((ماهمني الا راتبي ذا الشهر طار)))) الله يعينا واياه !! آميييييييييين وصح لسانه وسلمت يمينك اخي المشرف محمد بن بدر |
رد: (((((ماهمني الا راتبي ذا الشهر طار)))) قصيدة رائعة والله يعينه على معاناته وصح لسان قائلها وسلمت يدي ناقلها ولك تحياتي |
رد: (((((ماهمني الا راتبي ذا الشهر طار)))) مشكور اخوي وصح لسان قائلها وسلمت يدي ناقلها |
رد: (((((ماهمني الا راتبي ذا الشهر طار)))) صح لسان القائل وسلمت أنامل الناقل |
رد: (((((ماهمني الا راتبي ذا الشهر طار)))) صح لسان الشاعر قصيدة فكاهية جميلة وزاد جمالها صدق معانيها فهي تعبر عن واقع شريحة كبيرة من المجتمع شكرا لك اخي محمد على هذا النقل الجميل |
رد: (((((ماهمني الا راتبي ذا الشهر طار)))) شكراً لك على هذا النقل الجميل : علماً أن راتب المسكين ( 7250 ) ريال حسب وروده بأبيات القصيده . خير وبركه بس هو عديم تصرف .. |
رد: (((((ماهمني الا راتبي ذا الشهر طار)))) صح لسان الشـــاعر ومشكور على النقــــــل |
| الساعة الآن 10:01 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir