الديـــار هـــذي يابو رايد خليــــه=مامن وناسه وارضها مابها صيد
هذي ثلاث ايام كل اضــــــــحويه=حصيل رجليّ العنا واقشر الحيد
وطويق لو انه بنــــــــــجد العذيّه=ارضه مافيها الاّ الصخور الجلاميد
ويا ما حلا المنهاج وقت العشيّه=يم الشمال اللي لنا شوفته عيد

يامــــرحبا واهلين والفِ تحــيّه=واعداد من هلل وكبّر ضحى العيد
برســـالة من عند زبن الونـــيّه=من عند ابن حماد جني شواريد
ابيات شــــعر والمــــعاني قويه=يشكي عليّه من عنا قلّة الصيد
وان كان تبغى الراي مني هديّه=سج القدم ياغديف مع نازح البيد
دوّر عن طويق المســـمّى نحيّه=يمكن على كيفك تجي مثل ماتريد
لايضــيع وقتك بين روحه وجيّه=لا صرت ناوي يم حزم الجلاميد

وصـــــلني المردود ويّا الهــديّه=بابيات شعر ماتنقيت تقليد
في نظمهن ياشوق زين البنيّه=ياجعل تفداك الخبول المقاريد
هيضـتني والـــــقلب نكد عليّه=وده يتل مقرّبات المباعيد
وجني هموم القلب مثل السريه=ورّد وقلبي صار مثل المواريد
واخـــذت في رايك ولابه خطيّه=وايضا تعدنك جميع المناقيد
والعفش شديته بظهر المـــطيّه=وسريت مع خوّة رجال صناديد
والا العــفون مـحرمين العطيه=اموت ماسويت معهم مواعيد
ناس على صــر الدراهم شقيه=وان سولفوا ماغير في زيد وعبيد
اكالت الــــحوم المخاليق حيه=ياجعلهم لمخزنات العباريد
واقبل تحــــــيات الوفا والمنيه=تبطي عن الجيران من دون تحديد
في شايت المعبود رب البــريه=وسلم عدد ماخط بالشرح تعميد