|
مساجلة شعراء هــذي مــســاجــلــه بــيــن الــشــاعــر مـحـمـد بـن عـبـيـد الله بـن ردمـان الـحـربـي والـشـاعـر حـامـد بـن عـبـيـد الله بـن ردمـان الـحـربـي وكـذالـك جـارا الـشـاعـر عـبـدالله بـن سـمـيـر الـحـربـي الـشـاعـر مـحـمـد بـن ردمـان الــبــادي الاول مــحــمــد بــن ردمــان
مرسلت بالمكتوب جمسن ولاجيب=ولابه بعير مهجنن في نعامه توه شباب ولاشمط عارضه شيب=والعرف ماتبني عليه الغشامه ولاقول من بعده على شامخ النيب=ولافيه داعي لاشداد ومسامه ولاقول أنا ياطير ود المكاتيب=ولاأرسلت بالمكتوب ورقا حمامه حيثن نفسي ماتحب الاكاذيب=وأرض اليمن ماشدده لرض شامه سلمت خطي من يدي في يد الذيب=رجلن مسلح من خوال وعمامه ويحسب حسابه يوم داع المواجيب=لاقال من قوله تزول الملامه سباح يسبح ناسفات الجلابيب=مثل القمر يجلا جهام الضلامه حرن تعلى فرق عال المراقيب=شاعر مع الشعار محسوب زامه حامد كفاه أشرارها والنواشيب=قوله جميل أبقاه ربه ودامه البال يصغي مع أنضاف الهناديب=لامن أبو عادل تهيض غرامه مايخذ إلا الوافيات الاصاعيب=والعرف والحكمه مصادر كلامه مابه دعايه خالي الشك والريب=ومن كذب الواقع تراه الخمامه أحكمتهن وجنب عن الميل تجنيب=ونبي أبو عادل يجيد أهتمامه ومعرف مايخط النياشين ويصيب=ويحري بحل اللي تعسكر بهامه وأبيك ياحامد على حله أتجيب=وحلل لنا الرجال وسرار عامه أنشدك عن رجال ينبيك بالغيب=غيبن عليه العام يبني خيامه أسمه ردي من موقعه لايح الشيب=وعنده على سر الخوافي علامه وأنشدك عن اللي صار في حال تعذيب=هرشن تبي قردان زوره سنامه تبي سنامه دابيات الدباديب=مكسور والله ماتجبر عضامه والحر ياقع نايفات النبانيب=والله خلق له في حياته كرامه ومنا نصنك يابو عادل جناديب=صوبك عليهن كاتبين السلامه ورد الــشــاعــر حــامــد بــن عــبــيــد الله بــن ردمــان الــحــربـــي
سر ياقلم سجل وعجل بتربيب=حتى مرد القاف يافي تمامه من هاجسن لاجاه داعيهن يجيب=بدع المثايل هو هواه ومرامه لاحل به داكوك بين المحاديب=حضر لهن وأحضر وطاب أنسجامه يامرحبا في خط موف المواجيب=خطن لبو مشعل تفنن برامه لافكرت ببيوته تثيرالتعاجيب=بين المعاني والبيوت ألتحامه شاعر وله منزال ثابت ولايغيب=حقه مع أهل الشعر ذروت سنامه راع البيوت اللي على فن تاديب=وليا عقد له عقد تسعين قامه وفيهن من أسهوم الرماح الذواريب=ون ذعذعت موجن يزود ألتطامه بسوق الثمينه له رصيد ومكاسيب=يفرق نهارن فيه يكرب أحزامه أعطاه رب البيت معطى المواهيب=وبالعرف والحكمه حكيم أحتكامه وفرق المصفا عن سريب المشاريب=فرقن مثل فرق البياض وجهامه وعلم الصحيح يقال له صح ومصيب=والحر حر وفيه فرق الصرامه كيفه مع أهل الكيف وزن الشواريب=ومن يازن الميزان يعرف جرامه وفيهن يبي للغز شرحن وتعريب=وذبح الهدف لامن تساقت أسهامه الرجل الاول فيه حرش العراقيب=تعرف بغيبن يالسنافي شمامه تعرف به البل بين حيل ومكاسيب=تعرف قبل واليه ينشز عظامه والرجل الاخر من صوابه فلا يطيب=وأضنها حتى تقوم القيامه من وقتنا فيه الجروح المعاطيب=فيه الجروح اللي أزود أسقامه على الليال الماضيات الذواهيب=ينعى عليهن ويتزايد أهيامه هبت عليه اليوم ريح النواكيب=حتى غدا جوه كتام وعسامه كثرو عليه منصبين النواصيب=كثرو عليه وصار شبه أنعدامه كلن يقول أنه عطيب المضاريب=شاعر وعارف من رجال الفهامه دايم عيونه بالمجالس مشاحيب=اللي على عكس الخلايق نضامه وهــذي مــجــارات الــشــاعــر عــبــدالله بــن ســمــيــر الــحــربــي للشاعر محمد بن ردمان
أرسلت بالمكتوب عجل المناديب=شيهان لاحرن ولاهي حمامه طيور الخليج مصخرات المهاريب=ياويل من تاخذ عليه أبترامه عز الله أنه راح في كان ياديب=ماينفعه لو يتقي بالغمامه للصاحب اللي منقع الجود والطيب=وساس المعزه مايجيبه رخامه له وقعن مرموق بين الاصاحيب=والمحترم يفرض عليك أحترامه قل السلام وللجديد المكاتيب=لايالرعن لاتبتحل في كلامه يشكرك بالمسحوب فن التلاعيب=مثل النهار اللي يزول الضلامه وخذ الكتاب وفيه لغزن بترتيب=وليا عرفت الحل وقع بهامه أنشدك عن رجال في منضر الشيب=بينه وبين الناس فرق وعلامه كم واحدن لاجاه يطعن به الطيب=والناس ماسلمت بشكر وملامه ماحز لرضاهم عطيب المضاريب=يبي السلامه مير مامن سلامه ولك التحيه دون شكن ولا ريب=ياشاعر المعنا قوي الصرامه من هاجسن يشتاق نظم الهناديب=ومساجل الشعار غايت مرامه ورد الــشــاعــر مــحــمــد بــن ردمــان
حي الجواب الزين خال العذاريب=يبني على روس الطوال أستقامه خطن لبو فايز معن المناجيب=مواقفه فيها الوفاء والجزامه الطيب ورثه من طوال الاشانيب=وليا تقدم من رجال القدامه ويقول معجب في نضاف الهناديب=وكز البيوت الطيبات وسلامه عبدالله بن سمير ذيبن ولد ذيب=ودايم ترى الطيب حفيظ ألتزامه ورحبت به ترحيب خالي من الريب=حيثن أبو فايز رفيعن مقامه قولك جميلن يابعيد المحاضيب=والصح من وقع الحقيقه يدامه ماهو بريشن مع هبوب الهباهيب=ولاهو سرابن من وراه الندامه والطيب وهبه مايجي بالاطابيب=ومن لاعشق له ميشد أهتمامه أجواه صعبه ماتعيش الدغاليب=ويحرق صدا شمسه متين العمامه ونبي نحل اللغز يامعين يامجيب=لو كان من دونه تصك الجامه اللغز حبلن في يدين الجواذيب=أليا خشر معناه زين أنتضامه لغزك يابو فايز عسا الظن ميخيب=هذاك من هانه عدوه وضامه الحل شبلن في يدين الاجانيب=يوم جاه دابه صار راع الخمامه وهذ مردي ياسليس الاساليب=وقبل تحيات الوفاء في ختامه هـــذا مــاجــرى والــســـلام |
رد: مساجلة شعراء الــشــاعــر/ مـحـمـد بـن عـبـيـد الله بـن ردمـان الـحـربـي والـشـاعـر /حـامـد بـن عـبـيـد الله بـن ردمـان الـحـربـي والـشـاعـر/ عـبـدالله بـن سـمـيـر الـحـربـي قصائد تجعلك تعيد قراتها عدة مرات لجمال معنها وجزل بيوتها امتعتونا بهذه الردود الرائعه لله دركم جميعا والله يعطيكم العافيه والشكر موصول للعضو ابن ردمان على اتحافنا بهذه المقوعات الجميله |
رد: مساجلة شعراء اقتباس:
هذه مشاركة رائعة جدا .... |
رد: مساجلة شعراء شـكـراً لـلأخ الـعـزيـز عـلـي الـجـضـعـان عـلـى مـرورك وكـلامـك الـطـيـب ابـو يـزن شـكـراً جـزيـلً لـك عـلـى مـرورك وكـلامـك الـطـيـب |
رد: مساجلة شعراء ياسلام صح لسان جميع الشعراء |
رد: مساجلة شعراء صــح بـدنـك الأخ نـواف الـفـريـدي وشـكـراً |
رد: مساجلة شعراء اخي ابن ردمان لقد نقلت لنا من جواهر الشعر وألماسه !! مساجلات بين عمالقة الشعر وفن الالغاز ! ثلاثي رائع وناقل اروع صح لسان الجميع واشكرك على جمال الاختيار لاهنت لاهنت |
رد: مساجلة شعراء ابن ردمان صحت السنتكم جميعا ابيات رائعة جدا وقصائد غاية في الجزالة والجمال يعافيك ربي على هذا النقل الراقي دمت لنا متواجدا مبدعا لاهنت يالرعن |
رد: مساجلة شعراء الاخ الــعــزيــز خــلــف الــفــريــدي صــح بـدنــك وشـكـراً عـلـى مـرورك الـمـشـرف وكـلامـك الـطـيـب الاخ الـعـزيـز مـنـصـور الـوسـوس صـح بـدنـك وأشـكـرك جـزيـل الـشـكـر عـلـى الـمـرور الـمـشـرف وكـلامـك الـجـمـيـل |
| الساعة الآن 08:28 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir