مساجله بين الشاعرين
خالد محمد الجليدي الحربي والشاعر عبدالله سمير العوما الفريدي (الجديد)

__________________________

الله من قلبِ تلوفه هواجيس=إليا ادبرن ذلي وذلي لفنه
تمازرنه مثل مزر القرانيس=إليا فرقن شهب الغلب ومزرنه
من عاصياً بالجو ياخذ مراويس=اليا لاوعنه بالهواء واحدرنه
وحول به اللي وافياً بالمقاييس=واللي هقابه شاف ماخاب ظنه
ولاني لحالي يوم احس الحواسيس=كم خيرٍ سود الليالي كونه
وصقور نجد محرقين المحاميس=شرابتن للكيف هيله وبنه
راحو من الدنيا عرايا مفاليس=غير الذي بيض الصحايف طونه
وفي وقتهم مايامر العفن والهيس=وعوج الرقاب اليا لفن جنبنه
وان جاء نهاراً فيه حس المقابيس=تلقاه من بين العذارا مكنه
واليوم يصهل كنه الزير ونعيس=وخضر الورق من كثرهن وهقنه
و اسند على الطيب بعيد المراميس=اللي اليا من جزلات المعاني نصنه
كساب يكسب للجماعه نواميس=والقاف اليا سواه يعطيه فنه
من لابتن شجعان ماهم دنافيس=اليا تعلو كاظمات الاعنه
اولاد راشد مبعدين المناطيس=ارجالاً تحوش الشرف من مغنه
بشهادةٍ ماهي حبر وقراطيس=ارقاب شيخان العرب جودنه
علمٍ ثبت ومسيّس العلم تأسيس=لو النفوس الحاقده غيرنه
وصلاة ربي عد رمل الطعاميس=إليا من صلفات الهبايب ذرنه
على نبياً ماتجيه الوساويس=بيّن طريق الدين فرضاً وسنه
_______________________________
الشاعر خالد محمد الجليدي الحربي
__________________________
__________________________
رد الشاعر عبدالله سمير العوما الفريدي
********
يالله يالي بالهدى سقت بلقيس=وبأمرك لعبدك عرشها حظرنه
سدد خطانا بالضحى والغطاليس=وسري عن الانذال تحفظ مكنه
البارحه قلبي تدكه هواجيس=كن الشباري روسهن لامسنه
هات القلم واكتب ببيض القراطيس=يم الجليدي بيوتنا ياصلنه
خالد ثواب بالمرجله فوق ماتقيس=نعم الرجال اللي يديهم حظنه
قل السلام اكفيت شر العواكيس=واللي ظمرته شء مافيه منه
مالك ومال اهل الوجيه المعابيس=عبّادة الوجهين ماهي مضنه
من خلقة الدنياء لو المال مع تيس=اهل العقول الناقصه يتبعنه
والوقت الاول والسنين المتاعيس=عسى الليالي المقبله يبعدنه
سج القدم وانقل فروخ وقرانيس=هموم قلبك لاضون شتتنه
فروخ البحر ماهي حرارن مدابيس=كم عاصياً بطيارهن لاوعنه
لاقام يردم مع هبوب النسانيس=وعيونك الثنتين ماحققنه
بلمحة بصر من النجوم المقابيس=على شروط اطيارهن حولنه
لا شاقتك بطيارها تردع بليس=حيث الاذكار بشايته يردعنه
ولا انت الوحيد اللي حصله عواكيس=صيّور ماجاء بالليالي خذنه
وربعي وربعك كاسبين النواميس=بالدين والدنياء رجالٍ مظنه
من دون قاصر في جميع المقاييس=كل القبايل حقها ياردنه
ولو ماذكرت اسمي على طاري نعيس=ذكر القبيله امجادنا يرفعنه
وتراك مسامح وانت يا القرم لابيس=هذا اجتهادٍ منك مافيه لنه

الشاعر عبدالله العوما ( الجديد )

صحت الالسن وسلمت القلوب
اسناد ورد غاية الروعه والجمال والشكر موصول
لك اخوي ابو حمد على النقل والنشر لاهنت
تحيتي