ياراكب اللي صادرٍ بسم راعيه= مادوجوبه وسط سوق الحراجي
اليا تروح نازح البعد يطويه =لاتله اللي بالسفر ما يجاجي
اسرع من اللي حولت عقب توجيه =وخلت لبيبان المطار ارتجاجي
نصيته اللي واجب الضيف يديه = ابن نهار عبيد طلق الحجاجي
أبيك ياريف النشامى تخاويه= ياعبيد جو المدن عكر مزاجي
نبي من اللبه الى اقصى المتاييه =ارضاً لتال الصيدفيها ملاجي
لاهللوا والصبح بأ ول مباديه=رفقة نشا مى كلبوهم هجاجي
كلن يقول الكيف والله لسويه =ما يقصرون علومهم بالمناجي
وساطر دلاله هي واباريق شاهيه=هذا هوا بالي ومطلب مزاجي
خويهم ياعبيد ما برقو فيه =لو هو ردي ما جاه منهم أحراجي
والله لو الطيب يشرا لنشريه =ونلبس الخايب من الطيب تاجي
وكلن بما يفعل فعوله تكفيه =والله لا خأ يف ولا ني براجي
وصلاة ربي عدفرضٍ نصليه=واعداد ماحيىً بالاسواق داجي

يامرحبا بالجيب واللي معنيه =ترحيبة فيها يزيد أ بتهاجي
جيب جديد وكاملاة معانيه=أسرع من اللي بالجناحين راجي
عليه من لاعن لض القيض حاميه=والتجربه برهان لي أوخراجي
علي رفيق يرفع الراس طاريه =ويصيب رأس مخاصمه برتجاجي
صوت وله فزيت عجلً وحييه =قال أمش قلت أقلط وفيها أ نفراجي
فنجال بنً يالطهيمي مسويه =وليا تقهوينا وساع الفجاجي
أنا خويك بي درب وتواجيه =لو قلتلي روح باليلة زواجي
مشيت معك ومفني العبد محييه =و هرج بليا أثبات عيب وسماجي