قلبي دليلي فيه شي ٍ وخايف=وكني أشك بحالة أسباب خوفي
أبك كيف كأنه خاطر القرم واقف=و دجتاه أن كان هاذي تطوفي
معقول جبت العيد ولاني بعارف=على عماها وأحسبني أشوفي
الله لايعيده وأعتذر منه وآسف=أهب هبيتي ياسبايب حروفي
سقها على ماقيل ولاهي تخالف=وأبشر بحقك ماعلينا كلوفي
والمعذره ياشوق زين الوصايف=اللي تحط للعيد خظاب الكفوفي

ياشاعرٍ شعره كثير الطرايف=قرناس خامس في وفاه معَروفي
الخوف والله في بلاد الطوايف=اللي بها بشار جيشه يحوفي
يابن مطر غيباتنا بالمصايف=وجو الشفاء به مرخيات القنوفي
وحاشاك عن لوم الردى والحسايف=ياشوق كاملة الوصايف هنوفي
غالي وقلبك من قلوبٍ نظايف=ومن طيبينٍ يكرمون الضيوفي
ارتاح مافي خاطري منك لايف=الا ان ودك لايـجٍ وسط جوفي

(العيد فرحه وفرحتي يوم أعايدك=كل عام وأنت بخيرعيدك مبارك)