مجالس الفرده

مجالس الفرده (http://www.alfredah.net/forum/)
-   مجلس المحاورات والمساجلات الشعرية (http://www.alfredah.net/forum/alfredah39/)
-   -   قصيدة الشاعر قالط المقطع ورد الشاعر زاكي البشري (http://www.alfredah.net/forum/threads/alfredah37156/)

ابـن مـطـيـع 05-07-12 11:04 AM

قصيدة الشاعر قالط المقطع ورد الشاعر زاكي البشري
 
قصيدة الشـاعــر / قالط بن سماح المقطــع
قصيده موجهه لشاعر/ زاكي بن علي البشري

سلام ياكاسب من المرجله نوط.=متعلياً كنه على طلعة الغاط.
تسليم يازاكي به الطيب محطوط=دون الردى حطيت ظبه و سقاط
تستاهل عويدي مع البن مخلوط=ويفداك لاشاً في علومه تخباط
ترى المقطع ناوين يلعب الشوط=وحصانه مضرا على دك الاشواط
نبي نقول الحق لو يلتمس شوط=ولاهمنا لو شب بالولع شخاط
قلي علام الناس تشكي من ضغوط=وعقول بعض العالم تعاني إفراط
العاقل يسجل على ورقته شخوط=وهول المصايب جاب له هم وأحباط
واللي على دورب التصنع له خطوط=يزهون في مدحه وهو شخص خراط
وفقيرنا ماله محبه ومسفوط=وغنينا يمدح ويفرش له بساط
دنيا رديه كلها شروط بشروط =ماتمشي إلا بدرق وإلا توساط
تعطيلها يمناك تعطيك بالسوط=ولا لك إلا الصبر من سقم الاسواط
جاك السؤال وكمل الحرف بنقوط=وألبس ثقيل الثوب مع دخلت شباط
.رد الشاعر/ زاكي علي البشري على الشـاعــر / قالط بن سماح المقطــع

يامرحبا والخط بالطرس مخطوط=يابن الرجال اللي على الطيب قلاط.
تاريخكم بالطيب والجود مربوط=مجدن تعلى وعتلا فوق الأعياط
أقلط ياقالط وفهم العلم مظبوط=على حسب عرفي وعرفي وماحاط
قال المزيني قاف ماجاب ملقوط=من صافي الأفكار ماني بلقاط
أن كان غوجك ضارين يدخل الشوط=ويبغى التحدي مايريد التمغاط
تراه بالحصن الأصيلات محيوط=اللي تريد الفوز ماهو تمحاط
خله على يمناه والماد ممغوط=كان المارادي يحتمل ضغط الأشواط
كم وأحدن جلده من الجور مزلوط=من جور عوب السود لافيه زلاط
خذها نصيحه شامخه فوق عملوط=ضلع" زما مانافسه كل عملاط
بيضاء نضيفه مابها زيف وصفوط=ما قصدنا صلطه ولا لي تصلاط
ولا قصدنا نامر ولا قصدنا شروط=ولاهي علوم النقنقه و التغلاط
لا تشيل هم الناس ساخط ومسخوط=هذي حياة الناس راضي وسخاط
فعل الوفي يذكر ولا هوب مغطوط=ولا الردي مايرفعه زيف و هياط
وأهل الحكي مابين قارط ومقروط=ناسن تجمع لاذكر ريحه أشواط
الكل منهم هافي القدر مهبوط=من دونهم حطيت غاطن على غاط
كم وأحدن حلقه من القول مشحوط=وأزكا علومه للمطاليق قراط
وكم وأحدن وجهه من النعم ممروط=وليا دعا الواجب يصيبه تحناط
وليا لزمت به يمكن يطيح مجلوط=ويصير في مخه و قلبه تجلاط
وكم خايب" ماهو من الناس مغبوط=لو زاد ماله ماله اليوم غباط
ويجلس و يسلا بين هافي وقانوط=حتى على عياله و ربعه به أقناط
وأحدن فقير وللمواجيب شاموط=واليا لفيته يفرش فراش وصماط
ويقلط الحاضر و واجبك مليوط=ومحصلن نعم و نعم داربها شاط
ومرتاح بالدنيا و يسلا ومبسوط=ورزقه على اللي فارضن سبع الأشواط
وبعض العرب يجزع ليا صار مشلوط=بالكف وإلا صار بالرجل شلاط
وبعض العرب يصبر لو الجاش ملعوط=ولو كان همه شامخ" تقل قيراط
هذي هي الدنيا بها افتوق وشعوط=واشوف لي سيرة مليس وبلاط
سيلي غزير وضافين ماهو شخوط=ولا قلتها زيف وملام وتعباط
صرفة دراهم و الدراهم بها فروط=والسيف لايعود مع الوقت مشراط
هول البحر مابين زارط ومزروط=ماهي علومن فوق كيرم ومزقاط
هذا حسب ضني وعرفي وماحوط=وكل" حسب ضنه وعرفه وماحاط
دام المعاني سيرها صار مشحوط=طبق وصاتك بأوسط القيض وشباط


نواف فارع 05-07-12 12:00 PM

رد: قصيدة الشاعر قالط المقطع ورد الشاعر زاكي البشري
 
مساجلة رائعة .. بأسماء شعرائها .. وجزالة معانيها .

ولاهنت أبوصالح على هذا الاختيار الراقي والمتميز .

تحيتي وتقديري

عبدالله حمد الفريدي 05-07-12 02:15 PM

رد: قصيدة الشاعر قالط المقطع ورد الشاعر زاكي البشري
 
صح السنتهم
مساجله رائعه اسناد ورد
وبيض الله وجهك يابو صالح على الاضافه لاهنت

علي الجضعان 05-07-12 03:30 PM

رد: قصيدة الشاعر قالط المقطع ورد الشاعر زاكي البشري
 
مساجله رائعه وقافيه تعجيزيه

لوأن الزياده بالرد !!

على العموم مساجله جيده

وتسلم يابن مطيع على الاضافه

عيسى ابن احمير 05-07-12 05:45 PM

رد: قصيدة الشاعر قالط المقطع ورد الشاعر زاكي البشري
 
مساجله تحمل جزالة المعنى وصعوبة القافيه
صح ألسنتهم

ومشكور على النقل

غازى بن عجاب أبوزوايد 08-07-12 09:42 PM

رد: قصيدة الشاعر قالط المقطع ورد الشاعر زاكي البشري
 
اخوى
بن مطيع
لك كل الشكر على النقل والنشر لقصائد
شاعرين كبار ابداع بالإسناد والرد
صحت السنتهم وسلمت قلوبهم
تحيتي


الساعة الآن 12:22 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52