مجالس الفرده - محاوره ضيدان قزعان مع سلطان الهاجري

مجالس الفرده (http://www.alfredah.net/forum/)

- مجلس المحاورات والمساجلات الشعرية (http://www.alfredah.net/forum/alfredah39/)

- - محاوره ضيدان قزعان مع سلطان الهاجري (http://www.alfredah.net/forum/threads/alfredah30109/)

محاوره ضيدان قزعان مع سلطان الهاجري

ضيدان
مرحبا في حلةً دونها عشرين باب = المراوح فوقها والهبوب تفرها
الحرار الي مواكيرها روس الهذاب = حولة في نقرتن ما يقارب حرها

سلطان
البقى يا صاحبي ما وراه الا العذاب = والجريره حسبي الله على من جرها
صاحبي ضيدان غرب ولا أدري ويش جاب = يوم حصل خيرها ما كفاني شرها

ضيدان

ما يبرك للحمول الثقال الا الركاب = أحتمل وجنود الأسلام لله درها
وأن سرى ثلثين ليلك ونجم الجدي غاب = سل عيوني ليه حلو الكرى ما مرها

سلطان
الفخر والعز بين الثريا والسحاب = والمطر لو ما يضر الدير ما سرها
مير قلي وش فرق المشالح والثياب = أن سبحت ببحرها أو مشيت ببرها

ضيدان
فرقها فرق أزرق الجم عن ضوح السراب = السراب يوهق الضامية ويغرها
البلا من شعلتن ما حسبت لها حساب = واحدن منا قدحها والآخر كرها
سلطان
ما بقى في حوض الأجرب لا طعام ولا شراب = والجنوب من الجرب كل ليل يعرها
لا تعاتبني عليها خطا ولا صواب = في ذرى روس مطار الهوى مغترها
ضيدان
كلبينا لقمة بين ضرس وبين ناب = مير يا سلطان دك الركاب وسرها
وأضرب أم جلال بالهرش يا مال الذهاب = لقحة أم جلال ولا الجمل ما ضرها

اتمنى تنال على اعجابكم
اخوكم / المشتاق