ياصاحبي خاويت أنا أصحاب وأجناب=وخذيت من شور النشاما علامه
إن الردي لوكان من صوب الأقراب=مامن وراه إلا النكد والندامه
دور على الطيب ولو جاب ماجاب=ينفعك في يومٍ كثيرٍ عسامه
شراوك يافزعة عريبين الأنساب=في حزة كلن عظيدة حزامه
انت السند لاصك نابٍ على ناب=والعاقب اللي مايثمن كلامه
قلته ولا لي في ميدايحك مجنابك=ابمدح الطيب واسب الهلامه

تسلم على ماقلت ياحي من جاب=ياللي على مجد المعزه سنامه
يالجابري تامر على روح وأرقاب=دامك شجيع وفارسٍ في زعامه
راقي على قمة جبل دون مرقاب=مراجلك بالعز ماهي رخامه
نومست فكر اللي على الطيب ماخاب=بهرت له من بن صنعا اليمامه
ودقيت ناقوس الخطر وقت الأنشاب=منت بردي يلحق رفيقه سهامه
خليتني مثل الهرم بين الأصحاب=كم شخص بالدنيا وجوده عدامه
أن كان فيه أعقول يحسب لها احساب=كلن على فعله يدله مقامه