|
محاورة بين الشاعرين *حبيب العازمي * وابن مشيط السلام عليكم ورحمة الله وبركاته الى محبين الجزاله وقوة المعنى هذه المحاوره بين الشاعرين الكبيرين الشاعر/محمد بن مشيط الشاعر/حبيب العازمي اقيمت هذه المحاوره في تاريخ 2/8/1428هــ في منطقة الرياض المحـــــــــــــــــــــ ـــــــــــــــــــــــــ ـــــــــــاوره : الشاعر/حبيب العازمي ياجاهل في عتيبه يستر الله عـلاك عتيبه ابناء سعد وايضا خوال النبي وانا مالومك مادامنك هذا مستـواك لوقلتلك وين ربك قلـت فابوظبـي الشاعر/محمد ابن مشيط ماني بجاهل وعلمي ياولد روق جـاك لوكنت خال النبي يالعازمي في شنبـي الأرض ماهيب لك والعرش ماهو سماك ولا يجهل الله تعالى غير مثلـك غبـي الشاعر/حبيب العازمي هذا حديثٍ موثق وأعتقـد ماخفـاك واللي يعارض حديث الصالحين يهبي ليتك مادام السعه عنا تدربـى وراك وانت لوانك ذكي يمديك جيت تحبي الشاعر/محمد ابن مشيط يالعازمي هد نفسك وأعتذرك من خطاك دامك توضح حديث من النبي وشتبـي ماجزت عن طبعك الماضي يامال الهلاك تبغي تسلطن ولا يدخل معـاك أجنبـي الشاعر/حبيب العازمي أرجع على الحق وأسلم كان ربي هـداك وان كان ما أسلمت قدني واصلك يا صبي انته ليا جيت في نجران جـاك اشتـراك ما أدري من المكرمي ولا مـن الأكلبـي الشاعر/محمد ابن مشيط ابلشتنا مع عتيبه وانت مغشوش مـاك غير العصا ياذلول ابليـس ولا اشربـي ان رحت وان جيت علمي يا حبيب دهاك معرب منسبـي مانـي بـورع ***ـي الشاعر/حبيب العازمي لا بالله انته مصفى مير بلعن ثـواك بلاش ترفع يدك وانته تحت منكبـي ياشين شكل الكبير اللي عليه ارتبـاك انا اعرف منسبك وانت تعرف منسبي وان كانها بالفعل منزلك تحت اركبـي قدلك تهرب عن ابن مشيط والله رماك ولا عندنا ياحبيب غير صتـم حلبـي الشاعر/حبيب العازمي ياقدر ليتك مغطى ما كشفنا غطاك ركبك ياجعلها بالداب والعقربـي تحدنا بالخطايا لين نبحث خفـاك واللحيه اللي نقص تقديرها تتربي الشاعر/محمد ابن مشيط ياحارس القول كورتك اسقطت من يداك سددت صوبك قذيفه والهـدف لولبـي انت المعزب وانا ضيفٍ تعشا تعشـاك وأثرك في صدرك الواسع حكي مختبي الشاعر/حبيب العازمي أعطيتك المصحف الطاهر ومسواك راك وأثرك لامسلـمٍ مخلـص ولاغيهبـي بلاك ضيفٍ ما صنت معزبك من رداك تقف مابيـن الوجيـه الغـر وتكذبـي الشاعر/محمد ابن مشيط رجعتلك مصحفك وأهديت معه السواك مطلبك هذا يابوفيصل ماهـو مطلبـي الطيب طبعي مادام أن الردى من وفاك لو يختلف مذهبك ما يختلف مذهبـي |
رد: محاورة بين الشاعرين *حبيب العازمي * وابن مشيط محاوره رائعه جدا من شاعرين كبار، مشكور على الاضافه اخوي عادل. |
رد: محاورة بين الشاعرين *حبيب العازمي * وابن مشيط اقتباس:
وانار صفحتي شاكرلك تفاعلك اخي عايض |
| الساعة الآن 03:25 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir