بسم الااله المنفـرد فـي صفاتـه=اللي خلق دنيـا تجـدد عبرهـا
ابـدا كـلام عـارف سابقـاتـه=وأوآخره عنـد المقـرر خبرهـا
ابا اشرحه في سيتـه واحسناتـه=من غير ذكر امـور الله سترهـا
واسند على نايف واخصّه بذاتـه=آخذ معه واعطي بامور يخبرهـا
يابوطـلال العلـم فيـه التفاتـه=راجع حساباتك وعدّل صورهـا
يا لطيب اللي ماتزعـزع ثباتـه=ترى العقول اليوم تسبق نظرهـا
العلم خلّـه فـي محلّـه وهاتـه=وليا حضرت المشكله لاتحضرها
ولا تأخذ الدنيا بعنـف وشماتـه=اليا كسرها فلان ربـك جبرهـا
وان شفت رجال تلحـف عباتـه=خلّه ونفسك عزّهـا لاتحشرهـا
ومن دار لك ظهره وغير مباتـه=لاتناقشه مـادام رجلـه قصرهـا
الرجل يالطيّـب عيونـه مراتـه=اشياءتجيك بضر جنّب ضررهـا
وترى المصلي ماتفيـدك صلاتـه=لوحـاول ان الطايلـه يحتكرهـا
وكم طيب بعض المواضيع فاتـه=الله يعمر الـدار واللـي عمرهـا
الرجل تعرف سيرته من سماتـه=ولاتقيّم وجيه الرجـال بشعرهـا
كل رضي ممشـاه ومواصفاتـه=والناس في بعض الامور تعذرها
الا الذي يهوي عليـك بحصاتـه=ذا عقّبـه يمنـاه ليـن تعسرهـا
والشي دايم لذته فـي طـرا تـه=واهل العقول اليوم تاخذ حذرهـا
وصات من هو مخلص في وصاته=فكّربامورك والـدروب اختبرهـا

حي الجواب اللي طلـع نايفاتـه=ما قهقره طول الجبـال ووعرهـا
من شاعر مارس وعصر حياتـه=خطط ووصط غايته واختصرهـا
من عند ابو خالد لفت مرسلاتـه=بشذى الزهور اللي شذاها غمرها
مغيب القامـوس مـن معجزاتـه=وعنده لغة كشف المواهب ذخرها
كـلام وافـي محكمـه مبهماتـه=وضرب على حساسها مع وترهـا
حلحيل حل المستحيـل امنياتـه=لين الجزيله بالصقيلـه نحرهـا
وطلب احساباته وهن واصلاتـه=واقفال محروس الخزينه كسرهـا
وانا رصيدي فيه عنـدي ثباتـه=واخشى الخساره واتحاشى خطرها
واما الخبر جمعت باقـي رفاتـه=وميزة بطن السالفه من ظهرهـا
وخليت اخو مره ضحيـة خواتـه=خايف على نفوس الكرام يغدرهـا
يطرد مجاهيمه علـى صافناتـهو=ماجاز له من سود نوده عقرهـا
وترى الحديث وصحته من رواته=والذاهبه تلفى علـى راس اثرهـا
وكم عاقل حـاول يثبـت براتـه=وادان نفسه مادرى انـه عثرهـا
وكم ميت مات وبقـت ذكرياتـه=وكم حي ضحى بالحياه وهجرهـا
والرجل حي ليا حفـظ واجباتـه=ويبكي على جثمانها مـن قبرهـا

المشاركة الأصلية كتبت بواسطة منصور الوسوس (المشاركة 140715) مساجلة رائعة صح لسان الشاعرين وسلمت اناملك اخي الصقر الجارح على هذا النقل الجميل

المشاركة الأصلية كتبت بواسطة علي الجضعان (المشاركة 140718) فعلاًمساجلة رائعة صح لسان الشاعرين وسلمت اناملك اخي الصقر الجارح على هذا النقل الجميل وكنت أتمنى لو كان اسمك بدل الصقر الجارح وانت فعلاً صقر بس لنا الشرف بكامل( أسمك )وتسلم على اتحافنا بهالمساجله الرائعه

المشاركة الأصلية كتبت بواسطة المشتاق (المشاركة 140764) ]وكم ميت مـات وبقـت ذكرياتـه"""" """""" وكم حي ضحى بالحياه وهجرهـا مساجله رائعه تحمل عدة معاني الله يعطيك العافيه على الابداع تقبل تحياتي