|
محاورة الجن مع حاسن المطرفي؟؟ هذه احدى محاورات الشاعر حاسن المطرفي والجن،ويقال بأنها تكون وهو منامه وانه يرى صفوفهم كذلك، الجن سلام جيناك من روس المشاريف = نبى نعسك عسى مابك رزيه قالوا مسخن وقالوا حالك ضعيف = ولاتحتمل للعلوم اللي قويـــه حاسن يامرحبا بالرجال اهل المـعاريـــف= لوكان مدري من ايات النحيه واللي يجي من كثير الجود تخفيف= وانا مـن الله بخــير ولاعلــيه الجن نبي نصرف كلام العرف تصريف= حتى تبين السمين من الرديــه العام تذكر تلجلج بالغطاريف = ماطحت لك في رجال (ن) صيرميه حاسن المعرفة وانا حاسن بحر(ن)مطيف=ماهيب سقوة ولاجتني هديــه العام اغني واعدي بالمهاييف=والعب على الناس لعب العرفجيه الجن جيناك بسهومنا والرمح والسيف = وانته لحالك ولالك مرحـــــميه يلعب بك الليل وانسام الهفاهيف =واخاف بكرة تصير انت الضحيه حاسن مالومكم ياكبيرين السواليف= ماتعرفون الصواب من الخطــــيه ماهي علوم(ن)تصرفها على الكيف=حياة نفسي على رب البريه الجن والله لادحمك لين تعود معيف= واني لزاحمك بالقـــــوم الرويـــه بالكف والصف والسلطان والقيف= واصيح للجن واقول الحميه حاسن قهرتكم بالنبي راع المواقيف = محمد اللي بباب العنـــــــــبريه لكن صلوا بنا في مسجد الخيف =واحنا نصلي بكم في العابديه الجن طايح بغبة ولاعندك مجاديف =راحت عليك الرباع مع الثـــنيه ليا بغيت المعاني والمحاريف= لاتارد الا العدود الجاهلــــــــيه حاسن حنا وردنا البحر وانتم مكاتيف = يالاعبين اللحون السامــــــريه روحوا مراح السحاب اللي مراديف= انتم غريبين والدار هذليه للامـــــــــ منقول ـــــــــانة |
رد: محورة الجن مع حاسن المطرفي؟؟ صح السان الشعراء ،، ( بسم الله علينا ) لاكن للامانة الجن هذا شاعر الله يستر ( ولايهون صاحب القلب حاسن) f15 يعطيك العافيه |
رد: محاورة الجن مع حاسن المطرفي؟؟ بسم الله وأعوذبالله وتسلم على النقل شئ يخوف جن مابقى الاهي ياساترسترك لاونايم ياعبدالله لاترد عليه واعتبرني مامريت:d:d:d:d:d:d:d:d:d:d:d:d:d:d:d:d |
رد: محاورة الجن مع حاسن المطرفي؟؟ بسم الله الرحمن الرحيم هذا وهو نايم وشلون لاصحى |
رد: محورة الجن مع حاسن المطرفي؟؟ اقتباس:
يسلم مرورك اخوي غازي والجن هو مصدر الشعر هههههه |
رد: محاورة الجن مع حاسن المطرفي؟؟ اقتباس:
ابوعمر انت مامريت هههه |
| الساعة الآن 08:56 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir