مجالس الفرده - ذعار بن شلاح ومبارك بن حديد في مساجله

مجالس الفرده (http://www.alfredah.net/forum/)

- مجلس المحاورات والمساجلات الشعرية (http://www.alfredah.net/forum/alfredah39/)

- - ذعار بن شلاح ومبارك بن حديد في مساجله (http://www.alfredah.net/forum/threads/alfredah15955/)

ذعار بن شلاح ومبارك بن حديد في مساجله

قصيده أطلعت عليها وأحببت المشاركه بها
علها تصل الى إعجابكم وللمعلوميه
شاركت بها من خلال جهاز الجوال
لذا اعذروني على التنسيق وهي بين الشاعرين مبارك بن ناصر بن حديد والشاعر الشيخ/ذعار بن شلاح بن حماد وقالها عندما كان الشيخ/شلاح بن متعب بن حماد يجري فحوصات في مدينة الرياض وطلعت سليمه بحمدالله:-

ياذعاربشرني عن الشيخ شلاح = عسى فحوصه يابوفيصل سليمه
ياذعارطمني عسى الشيخ مرتاح = الله يمتع به أسنينن أمديمه
عسى لياله كلهاسعود وأفراح = والله يشافي باسه اللي يظيمه
ياذعار من عقبه ترى البال ماأنسا = ياذعارله عندي معزه وقيمه
ياذعار ابو سطام كساب الأمداح = وصفه بفعل الطيب هتان ديمه
ماجمع الدنيايبي كسب وأرباح = ماجمعه تفنيه يمنن كريمه
وللكوم ذباحن وللحشو ذباح = ماهو تصنع طيب قلب ولزيمه
وفيه التواضع والبشاشه ومزاح = وهبه من الخالق وميزه عظيمه
عساي مأسمع عنه مايسبب أتراح = آمين يامحيي العظام الرميمه

رد عليه ذعار بن شلاح بقوله:-

ياطيرياحايم وبالجو سواح = وصل سلامي مستحق الحشيمه
اللي يوصينا به الشيخ شلاح = وله عندنا شان ورفعه عضيمه
هذاك ابوناصرويفداه من راح = عسى عدوه للحياه السقيمه
وقله ترا الوالدبنعمه ومرتاح = وان الفحوص بمن ربي سليمه

اتمنى تنال اعجابكم,,،،،

تم التنسيق / على الجضعان

صح لسان كل من الشاعرين

وشفاء الله الشيخ الوالد
شلاح بن متعب الحماد
واطال الله في عمره

يعطيك العافية اخوي خالد وما قصرت على الطرح الجميل وصح لسان كلآ من الشاعر الشيخ ذعار بن شلاح

والشاعر مبارك بن حديد .

وما يشوف شر انشاء الله ابونا الشيخ / شلاح بن متعب بن حماد .

صح لسان الشاعر مبارك والشاعر ذعار مساجله رائعه

والاوع نقلك يابن صالح

يعطيك العافيه

مشكور اخوي خالد بن صالح على تقديم هذه الدرر الجميلة

ومبارك بن ناصر ,,,,حبيب ,,,وراعي نخوة

وهذه الدرر الصادرة من القلب الى القلب تدل على محبة الامير شلاح عند ربعه الفردهـ

وصح لسان ابو ناصر وصح لسان الشيخ ذعار بن حماد

وسلمت يمناك يا الفريدي

بيض الله وجهك وعلمك غانم..

والحمدلله ابشركم ان الشيخ شلاح باتم الصحه والعافيه وعسى الله يمد في صحته وعافيته والد الجميع

واقول جعلك ماتشوف شر يابو صطام..

والشكر موصول للاخ خالد بن صالح ولاتبت يمينك على نقل هالمساجله بين الشاعرين القديرين...

بدران24/10/1430هـــ

تسلم ياخالد الصالح على النقل

وصح السان الشاعرين مبارك بن حديد وذعار بن حماد

والحمدلله على سلامة الشيخ / شلاح بن متعب الحماد

وسلامه دائمه اباسطام وماصابه طهور

مساجلة رائعة وصح لسان الشاعرين

والحمد لله على سلامة الشيخ شلاح ابن حماد

واشكرك اخي لهذا النقل الرائع

ولك تحياتي

كـــــــــــــلام شــــيـــوخ .......

رد: ذعار بن شلاح ومبارك بن حديد في مساجله

ترفع ترحيبا بالشيخ مبارك بن حديد