قال الطهيمي عيدوا عند مرزوق = قلنا وجب من شان مرزوق طعناه
رجل كريم الله يفكه من العوق = ومثل الطهيمي تفعل الطيب يمناه
حصان سبق للطيب وهوقبل مسبوق= ابوه قبله من هل الطيب والجاه
من لابة يا ماحمت كل ماسوق = افعالها تعرف نهار الثاراه
الاومع ذلك ليا وخذت النوق = يفكونها بفعول ماهي مجاجاه
يفك الوسيق ان ردو العلم ماثوق = عزم وجزم وكل بسيفه وشلفاه
وهيف السمين ان جيب مجلوب للسوق=يشرون لون الثمن زاد بشراه
طيب الفعايل خالطه طيب منطوق = هذ قليل من كثير ذكرناه
والطايله تراه يرقا لها فوق = مع سلم ما كل رجال يرقاه
ياما نزلوا من مرتع فيه زملوق = لون شيخ القوم جمع حضاياه
من حارب الشجعان ماعود بالعوق = من ضرب علط بالمتاريس تصلاه

هلاهلا منطق وفا يدفعه شوق = ماهجرس القمري على الدوح بغناه
فز الخفوق بشوق في خط مرفوق = رمز الوفا واضح بنطقه ومعناه
والناس كل له سجيه وطاروق = والعلم يرفع مصدره قدر ملفاه
والشعرفقد ونقد ومساجله ذوق = اذا كان عمدانه ضلوع لزواياه
احديقوده قود واحد يجي سوق = واحد مثل ماقيل شعره مقاداه
وهايس صعد في منطقه راس شاهوق= وفي حسن تعبيره وفي جودة ارياه
فهمت في مبداه مثل روق = اثنى على نصر وخصه بمبداه
واثق لكن بنفس يعقوب معشوق = زهور الاكليل احساس هايس شرب ماه
بعد النظر راعيه ينظر الى فوق = وقصر النظر راعيه ينظر لماطاه
محروم من طرق النظر غرب وشروق= وهلال قايدة الشهر ماتحراه
شكري لبو فوازمعنى ومنطوق = دافع ضمير ترجمه ناطق انداه
واخص با لاسما على شان مايتوق = المستمع والعلم برهانه احماه
فالح وابن زايد وابو شمخ النوق = وناصر وبن ضبعان والعلم منصاه
سيفي ودرعي يوم قالط ومفهوق = اللي مزايا سيرته تحرق اعداه
هايس فداه اللي للادنين خازوق = اللي حسناته زكاه لخطاياه
اللي يرى نفسه على الناس فاروق = وعلم قصر دونه وعلم تعداه

والنعم با الجميع وتسلم يا شاعرنا القدير
على بن زيد الفريدي

لنقل هذه المساجلة الراااائعة
ننتظر المزيد