جمال بغدادي ومخـرج غنـوه =سلط على الشعب السعودي ضوه
بثو قمرهـم فالسمـا ويصـور =يوضح الصوره وصافـن جـوه
يبغـاك يـم اديارهـن اتهاجـر =والا تمشـى تايهـن ومـتـوه
كثرت ضحاياهم وانـا ضحوبـي =وش حيلت المغبون ياأهل الخوه
أبغى النصيحه من صدوق صادق =نصيحةٍ عنـد الرفيـق امـروه
أبغاه في وقت الشدايـد صامـل =بالمعرفـه والطيـب ولا القـوه
تكفى يبن رباح عطنـي رايـك =لاعاد لاخايـف ولاش اجـروه
ولا لابو ريماس درت الموجـه =يدلي مع العالـم جميـع ادلـوه

عطني معاميلـي وبـنٍ تـوه =محموس‎ ‎ومنقى من أية سـوه
نبـي نبهـر دلـة موزونـه =للكيف والكياف يصفـي جـوه
كيفٍ يرد الـروح للعمساني =ويشيش في قلبي مكامن قـوه
ومن عقبها عطني القلم وكتابي =بيوت شعري حاضره محلـوه
كله لعين اللـي لفانـي خطـه =الصاحب الغالي عظيم الخـوه
شهم وكريم وعالـي متعالـي =بأخلاقه الحلوه وطيـب مـروه
نبي نسولف بالعراق وبأهلـه =وبنيه اللـي زينهـن تلهـوه
ديره ماكنت تنذكـر بالشينـه =لكن بعد صدام صـارت هـوه
(غنوه) و(مزيكا) وحتى أمريكا =كلن يبـث علومـه المرجـوه
كل الفواكهه إطلعت بالصـوره =رمان والتفـاح ولسـى تـوه
نبي نشوف علوم والله يستـر =الله يستـر لايجيـنـا نــوه
يابوبلج والعلـم شـي خافـي =والزين ماهو كامـل ومشـوه
الزين مايبدي بعرض الشاشـه =الزين مخبين بوسـط غطـوه
الزين عند أهل العلوم الزينـه =مارددوا (ليَـه وليـه ولَـوه)
نبي نميـز بيـن هـذا وهـذا =ومابين زين الزين والسعلـوه